جی 20کےدوران دہلی میں لاک ڈاؤن نہیں

نئی دہلی :دہلی پولیس نے ایکس (ٹویٹر) پر ایک پیغام کے ذریعے کہا ہے کہ ملک کی راجدھانی میںجی 20 سربراہ اجلاس کے دوران لاک ڈاؤن جیسی صورتحال نہیں ہوگی۔اس پیغام کے ساتھ ایک تصویر بھی شیئر کی گئی ہے، جس میں جنوبی ہند کی فلم ‘ڈان نمبر 1 کے ڈائیلاگ کے انداز میں لکھا گیا ہے:بوائز اینڈ گرلز ریلیکس: جی 20کےدوران دہلی میں لاک ڈاؤن نہیں ہے۔
دہلی ٹریفک پولیس نے پروگرام کے دوران قومی دارالحکومت میں ٹریفک کی حقیقی معلومات کے لیے ایک ہیلپ ڈیسک قائم کیا ہے۔ سڑک کے روٹ کی معلومات ورچوئل ہیلپ ڈیسک میں دی گئی ہیں۔ پولیس نے کہا ہے کہ لوگوں کو ان راستوں پر سفر کرنے سے گریز کرنا چاہیے جو متعلقہ علاقوں کی طرف جاتے ہیں لیکن اگر سفر ناگزیر ہے تو مسافروں کو مشورہ دیا جاتا ہے کہ وہ رنگ روڈ – آشرم چوک – سرائے کالے خان – دہلی – میرٹھ ایکسپریس وے – نوئیڈا لنک روڈ – پشتہ روڈ ، آئی ایس بی ٹی کشمیری گیٹ ، رنگ روڈ ، مجنو کا ٹیلاکے ساتھ ایمس چوک سے رنگ روڈ، دھولہ کواں، رنگ روڈ، برار اسکوائر، نارائنا فلائی اوور، راجوری گارڈن جنکشن، رنگ روڈ، پنجابی باغ جنکشن، رنگ روڈ، آزاد پور چوک کااستعمال کریں۔