ناسک سے پیدل سفر کر آٹھ ماہ بعدسید علی مدینہ منورہ پہونچ گئے

ریاض:مہاراشٹرا کے سیدعلی پیدل سفر کرکے آٹھ ماہ بعد بالاخرمدینہ منورہ پہنچ گئے اور سفر کا اختتام حج کی ادائیگی سے کرنے کی خواہش ظاہر کی ہے۔ولی عہد شہزادہ محمد بن سلمان کی تصویر والی ٹی شرٹ پہنے سید علی نے ایک سعودی ٹی وی سے گفتگو میں کہا کہ سفر مشکل ضرور تھا لیکن اللہ مدد کرنے والا ہے۔ انہوں نے ناسک سے پیدل سفر کا آغاز کیا اور مختلف ریاستوں مہاراشٹرا، گجرات، راجستھان اور ہریانہ سے گزرتے ہوئے دہلی سے ایران وہاں سے عراق اور پھر سعودی عرب میں داخل ہوا اب ریاض سے مدینہ منورہ پہنچا ہوں۔انہوں نے کہا کہ ہر ملک کا اپنا نظام ہے جو اپنے طور پر درست ہے۔
ایران اور عراق بھی گیا لیکن مجھے سعودی عرب کا نظام زیادہ اچھا لگا مجھے یہاں کوئی مشکل پیش نہیں آئی۔انہوں نے بتایا کہ وہ پہلے بھی مدینہ منورہ آچکے ہیں سعودی حکومت کی جانب سے زائرین کو دی جانی والی سہولتوں پر شکریہ ادا کیا۔سید علی کا کہنا تھا کہ انہیں خصوصی طور پر شہزادہ محمد بن سلمان پسند ہیں، اسی لیے ان کی تصویر والی ٹی شرٹ پہنی ہے۔