ویتنام میں اپارٹمنٹ میں آگ لگنے سے 50 افراد ہلاک

ہنوئی: ویتنام کی دارالحکومت ہنوئی میں ایک اپارٹمنٹ میں زبردست آگ لگنے سے 50 افراد ہلاک ہوگئے ہیں۔ آگ منگل کی رات نو منزلہ اپارٹمنٹ ٹاور میں لگی۔ خبر رساں ایجنسی اے پی نے مقامی میڈیا کے حوالے سے یہ اطلاع دی ہے۔ویتنام کی سرکاری خبر رساں ایجنسی کا کہنا ہے کہ رات تقریباً ساڑھے گیارہ بجے آگ لگنے کے وقت زیادہ تر لوگ گھروں میں ہی موجود تھے۔
ایجنسی نے یہ بھی کہا کہ آگ پر قابو پانا بہت مشکل تھا کیونکہ یہ ٹاور ایک تنگ گلی میں بنایا گیا ہے۔ فائر انجنوں کو 300 سے 400 میٹر یا 985 سے 1,315 فٹ کے فاصلے پر کھڑا کرنا پڑا اور امدادی کارروائیاں انجام دیں۔ تھان جوان ضلع کی اس عمارت میں 45 خاندان رہتے ہیں۔میڈیا کے مطابق عمارت سے نکالے گئے 70 افراد میں سے 54 کو زخمی حالت میں اسپتال میں داخل کرایا گیا ہے۔