کجریوال کی جانب سے واٹس ایپ چینل متعارف

نئی دہلی۔ دہلی کے وزیر اعلیٰ اروند کجریوال نے دہلی کے عوام سے رابطہ قائم کرنے کے لیے ایک واٹس ایپ چینل متعارف کرایاہے۔دہلی کے شہری اب ان کے واٹس ایپ چینل کے ذریعے وزیر اعلیٰ تک براہ راست پہنچ سکتے ہیں۔ دہلی کے باشندے اب دہلی حکومت کی کامیابیوں، نئے پروگراموں، اقدامات، اور پردے کے پیچھے کی کارروائی کے بارے میں اپ ڈیٹ حاصل کر سکیں گے۔ دہلی حکومت اپنا واٹس ایپ چینل شروع کرنے کے چند گھنٹوں کے اندر، سی ایم اروند کجریوال کے 23,000 سے زیادہ فالوورز ہوگئے ہیں، کجریوال کے دفتر نے کہا۔ واٹس ایپ چینل پر اپنے پہلے پیغام میںکجریوال نے گرمجوشی سے مبارکباد دیتے ہوئے کہا، نمستے! مجھے اپنے واٹس ایپ چینل پر آپ سے جڑکر خوشی ہو رہی ہے۔ کجریوال نے مکھیا منتری تیرتھ یاترا یوجنا کے بارے میں ایک اہم اور تازہ خبر کا اشتراک کیا، جہاں 780 بزرگ شہریوں کو رامیشورم کی یاترا پر بھیجا گیا تھا۔انہوں نے بزرگ شہریوں سے ملاقات کے وقت کی تصاویر بھی شیئر کیں۔ اس ہفتے، مجھے یہ بتاتے ہوئے بہت خوشی ہو رہی ہے کہ ہم نے مکھی منتری تیرتھ یاترا یوجنا کے تحت 780 بزرگ شہریوں کے ایک گروپ کو رامیشورم کی یاترا کے لیے بھیجا ہے۔ مجھے ان کی محبت حاصل کرنے پر خوشی ہے۔ ان تصاویر کے ذریعے آپ کے ساتھ گرمجوشی کے کچھ لمحات کا اشتراک کر رہا ہوں، کجریوال نے کہا۔ یہ اقدام دہلی کے لوگوں کے ساتھ مزید ذاتی تعلق کو فروغ دینے کے لیے دہلی حکومت کے عزم کو تقویت دیتا ہے۔ جیسا کہ دہلی حکومت قومی راجدھانی کو صحت کی دیکھ بھال اور تعلیم پر پھیلے ہوئے بے عیب بنیادی ڈھانچے کے ساتھ عالمی معیارکا شہر بنانے کے لیے انتھک محنت کر رہی ہے۔ چیف منسٹر کے دفتر نے کہا کہ مختلف سرکاری منصوبوں اور پالیسیوں کے بارے میں وقتاً فوقتاً اہم معلومات کا اشتراک کرتے رہیں گے۔