اسد الدین اویسی کی دہلی واقع سرکاری رہائش گاہ پر حملہ،پولیس جانچ میں مصروف

نئی دہلی: آل انڈیا مجلس اتحاد المسلمین (اے آئی ایم آئی ایم) کے قومی صدر اسد الدین اویسی نے دہلی میں اپنی سرکاری رہائش گاہ پر حملے کی اطلاع دی ہے۔ اس سلسلے میں اتوار کی شام ایک شکایت درج کرائی گئی ہے جس میں کہا گیا ہےکہ اویسی کی سرکاری رہائش گاہ کے اندر شیشے ٹوٹے ہوئے ہیں۔
اس سلسلے میں گھر کی دیکھ بھال کرنے والےملازم روہت نے بتایا کہ جب اس نے کتوں کے بھونکنے کی آواز سنی تو اس نے بعد دیکھا تو گھر کے پچھلے دروازے پر لگے دو لیمپ بند ہیں۔ اس میں سے ایکلیمپٹوٹا ہوا لٹکا ہوا نظر آرہا ہے جبکہ دوسرے لیمپ کا شیشہ ٹوٹا ہواہے۔ اس کے بعد جب وہ مرکزی دروازے کی طرف گیا تو دیکھا کہ ڈرائنگ روم کے دروازے کا شیشہ ٹوٹا ہوہے۔روہت کی شکایت کے بعد پولیس افسران موقع پر پہنچے ۔ اب پولیس کی جانب سے کہا گیا ہے کہ ابتدائی تفتیش میں موقع سے کوئی پتھر جیسی چیز نہیں ملی ہے جس سے یہ کہا جا سکے کہ حملہ کسی نے کیا تھا، تاہم پولیس پورے معاملے کی جانچ کر رہی ہے تاکہ شیشہ ٹوٹنے کی وجہ معلوم کی جا سکے۔
اس واقعہ کے بارے میں اسدالدین اویسی نے کہاکہ ‘میں چار بار ایم پی رہ چکا ہوں اور میرے گھر پر حملے ہو رہے ہیں۔ میں ان حملوں سے نہیں ڈرتا لیکن اس کے نتائج کیا ہوں گے؟ مجھے اس کی فکر ہے۔ میں جب بھی پارلیمنٹ میں بولتا ہوں یا کہیں تقریر کرتا ہوں تب تب میرے گھر پر حملہ ہوتا ہے۔