ایپل کا انتباہ !اپوزیشن رہنمائوں کے فون ہیکنگ کے شکار

نئی دہلی: حیدرآباد کے ایم پی اور اے آئی ایم آئی ایم کے صدر اسد الدین اویسی اور دیگر اپوزیشن لیڈروں نے الزام لگایا ہے کہ ان کے فون ہیکنگ کا شکار ہوئے ہیں۔اس سلسلے میں انہوں نے ایپل کی جانب سے بھیجے گئے خطرے کی اطلاعات کے اسکرین شاٹس شیئر کیے۔انتباہ کا اسکرین شاٹ شیئر کرتے ہوئے اویسی نے لکھا:گزشتہ رات ایپل کا انتباہ ملا کہ حملہ آور میرے فون کو نشانہ بنا رہے ہیں۔
خوب پردہ ہے کہ چلمن سے لگے بیٹھے ہیں
صاف چھپتے بھی نہیں،سامنے آتے بھی نہیں
کانگریس لیڈر ششی تھرور نے ایکس پر پوسٹ کیا اور کہا، "ایک ایپل آئی ڈی سے موصول ہوئی ہے جس صداقت کی تصدیق ہوگئ ہے۔ میرے جیسے ٹیکس دہندگان کے خرچے پر بے روزگار اہلکاروں کو مصروف دیکھ کر خوشی ہوئی! اس سے زیادہ اہم کچھ نہیں ہے؟کانگریس کے ایک اور رہنما اور پارٹی کے ترجمان پون کھیرا نےایکس ر وارننگ سائن کا اسکرین شاٹ پوسٹ کیا :ڈئرمودی سرکار، آپ ایسا کیوں کر رہے ہیں؟
ٹی ایم سی لیڈر مہوا موئترا نے بھی الزام لگایا کہ انہیں ایپل کی دھمکی کی اطلاع موصول ہوئی ہے۔ انہوں نے اسکرین شاٹ شیئر کرتے ہوئے لکھا، :ایپل کی جانب سے ٹیکسٹ اور ای میل موصول ہوئی جس میں حکومت نے میرے فون اور ای میل کو ہیک کرنے کی کوشش کی ہے۔ @انہوں نے لکھا کہ اڈانی اور پی ایم او کے غنڈے ! آپ کا خوف دیکھ کرمجھے آپ پر ترس آتا ہے۔