نول ٹاٹا – ٹاٹاٹرسٹ کے نئے چیرمین بنے

نئی دہلی : نول ٹاٹا کو ٹاٹا ٹرسٹ کا نیا چیئرمین منتخب کیا گیا ہے۔ رتن ٹاٹا کی موت کے بعد ان کے بھائی کو ٹاٹا ٹرسٹ کی ذمہ داری سونپی گئی ہے۔ٹاٹا ٹرسٹ نے انہیں جانشین مقرر کیا تھا۔ ٹاٹا ٹرسٹ نے جمعہ یعنی 11 اکتوبر کو ممبئی میں منعقدہ میٹنگ کے بعد نئے جانشین کا انتخاب کیا۔ ممبئی میں ٹاٹا ٹرسٹ کی میٹنگ میں نول ٹاٹا کو متفقہ طور پر منتخب کیا گیا۔وہ رتن ٹاٹا کے سوتیلے بھائی ہیں۔ دراصل رتن ٹاٹا کے والد نیول ٹاٹا نے دو شادیاں کی تھیں۔نیول ٹاٹا کی پہلی شادی سنی ٹاٹا کے ساتھ ہوئی تھی، جن سے ان کے دو بیٹے رتن ٹاٹا اور جمی ٹاٹا تھے۔ سنی ٹاٹا سے طلاق کے بعد، نیول ٹاٹا نے 1955 میں دوسری بار سوئس بزنس وومن سیمون سے شادی کی۔ نول ٹاٹا نیول ٹاٹا اور سائمن ٹاٹا کے بیٹے ہیں۔نول ٹاٹا کی شادی آلو مستری سے ہوئی جو پالونجی مستری کی بیٹی، جو ٹاٹا سنز کے واحد سب سے بڑے شیئر ہولڈر ہیں اور سائرس مستری کے والد ہیں۔ اس جوڑے کے تین بچے ہیں جن میں لیہ ٹاٹا، مایا ٹاٹا اور نیویل ٹاٹا شامل ہیں۔نول ٹاٹا کی بیٹی لیہ ٹاٹا بھی ٹاٹا گروپ میں اپنی شناخت بنا رہی ہے۔اسپین کے نامور آئی ای بزنس اسکول میں مارکیٹنگ میں ماسٹرز کی ڈگری مکمل کی اور فی الحال ٹاٹا گروپ کے ساتھ کام کر رہی ہیں۔ لیہ نے اپنا پیشہ ورانہ سفر 2006 میں تاج ہوٹلز ریزورٹس اینڈ پیلیس میں اسسٹنٹ سیلز منیجر کے طور پر شروع کیا۔