مغربی ایشیا میں بڑھتی کشیدگی کے پیش نظرائر انڈیا محتاط

نئی دہلی : اپریل کے اوائل میں شام کے دارالحکومت دمشق میں ایرانی سفارت خانے پر مبینہ اسرائیلی حملے کے بعد ایران کی طرف سے جوابی کارروائی کی دھمکی کے بعد مغربی ایشیا میں بڑھتی ہوئی کشیدگی کی وجہ سے ایئر انڈیا کی پروازیں احتیاطی تدابیر کے طور پر ایرانی فضائی حدود سے گریز کر رہی ہیں۔ فلائٹ ریڈار کے مطابق ہفتے کی صبح نئی دہلی سے لندن جانے والی ایئر انڈیا کی پرواز نے ایرانی فضائی حدود سے بچنے کے لیے طویل راستہ اختیار کیا۔
خطے میں بڑھتی ہوئی کشیدگی کے درمیان ایرانی فضائی حدود سے بچنے کے لیے ایئر انڈیالفتھانسااورکنٹاس سے جڑ گئی ہے۔ آسٹریلیائی کیریئر کنٹاس نے ہفتے کے روز کہا کہ وہ ایرانی فضائی حدود سے بچنے کے لیے پرتھ اور لندن کے درمیان اپنی طویل فاصلے کی پروازوں کو ری ڈائریکٹ کرے گا۔ قنطاس کے ترجمان نے کہا کہ اگر مسافروں کی بکنگ میں کوئی تبدیلی ہوتی ہے، تو ہم ان سے براہ راست رابطہ کریں گے۔