راہول گاندھی نے پارٹی کارکنوں کے ساتھ ہولی منائی

نئی دہلی۔ کانگریس لیڈر راہول گاندھی نے بدھ کو رنگوں کا تہوار ہولی کانگریس ہیڈ کوارٹر 24 اکبر روڈ پر پارٹی کارکنوں اور پارٹی لیڈروں کے ساتھ جوش و خروش کے ساتھ منایا۔ اس دوران انہوں نے موجود کارکنوں کو رنگ و گلال لگایا، مٹھائی کھلائی اور سب کو تہوار کی مبارکباد دی۔ راہول گاندھی نے کہاکہ رنگوں اور محبت کے تہوار ہولی کی آپ سب کو دلی مبارکباد۔ ہولی کے رنگ آپ سب کی زندگی کو نئی امیدوں، نئی امنگوں اور ان گنت خوشیوں سے بھر دیں۔ وہیں، کانگریس صدر ملکارجن کھرگے نے سوشل میڈیا ایکس کے ذریعے اہل وطن کو ہولی کی مبارکباد دی۔ انہوں نے لکھا کہ ہولی ایک ایسا تہوار ہے جو ہمارے رنگا رنگ ، کثیر الثقافتی معاشرے کے جذبے کا اظہار کرتا ہے ۔ یہ تنوع میں اتحاد ، باہمی ہم آہنگی اور بھائی چارے کی روایت کا جشن ہے جو صدیوں سے ہماری تہذیب کی پہچان رہا ہے ۔ اس خوشی کے موقع پر آپ سب کو ہولی کی بہت بہت مبارکباد ۔ آپ کی زندگی ہمیشہ خوشی کے رنگوں سے بھری رہے ۔ کانگریس جنرل سکریٹری اور رکن پارلیمنٹ پرینکا گاندھی نے بھی ہولی کے موقع پر اہل وطن کو مبارکباد دی۔
انہوں نے کہ کہ “امنگ، جوش، مسرت، مٹھاس اور بھائی چارے کے مختلف رنگوں سے بھرپور میل جول کے عظیم تہوار ہولی کی دلی مبارکباد۔ ہولی اپنے خاندان، دوستوں اور معاشرے کے ساتھ ساتھ سب کو محبت سے گلے لگانے کا عظیم تہوار ہے ۔ سب کو گلے لگائیے اور سب کے ساتھ خوشیاں بانٹئے ۔ تمام اہل وطن کو ہولی کی مبارکباد۔