مہاکمبھ میلہ میں بھگدڑ کے باعث کئی افراد ہلاک اور زخمی

اکھلیش یادو نے مزید کہا کہ لاپتہ افراد کو ڈھونڈنے کے لیے فوری اقدامات کیے جائیں اور ہیلی کاپٹر کے ذریعے نگرانی میں اضافہ کیا جائے۔ انہوں نے کہا کہ حکومت اس واقعے سے سبق لیتے ہوئے زائرین کے لیے رہائش، کھانے پینے اور دیگر سہولیات میں اضافی انتظامات کرے۔

بہوجن سماج پارٹی کی سربراہ مایاوتی نے بھی اس حادثے پر گہرے رنج و غم کا اظہار کیا۔ انہوں نے کہا کہ "یہ حادثہ نہایت افسوسناک اور قابلِ غور ہے۔ اللہ متاثرین کو صبر و تحمل عطا فرمائے۔”

عام آدمی پارٹی کے قومی کنوینر اروند کیجریوال نے بھی اس افسوسناک واقعے پر دکھ کا اظہار کیا اور متاثرین کے اہل خانہ سے ہمدردی کا اظہار کیا۔ انہوں نے زائرین سے درخواست کی کہ وہ حکومتی ہدایات پر عمل کریں اور احتیاط برتیں تاکہ مزید حادثات سے بچا جا سکے۔