نئی دہلی: صدر دروپدی مرمو، نائب صدر اور راجیہ سبھا کے چیئرمین جگدیپ دھنکھڑ، وزیر اعظم نریندر مودی اور لوک سبھا کے اسپیکر اوم برلا سمیت اراکین پارلیمنٹ اور دیگر معززین نے بابا صاحب بھیم راؤ امبیڈکر کی 67ویںبرسی کے موقع پر پارلیمنٹ ہاؤس احاطے میں ان کے مجسمہ پر گلہائے عقیدت پیش کئے۔آئین کے معمار کہلائے جانے والے بابا صاحب بھیم راؤ امبیڈکر کی برسی کے موقع پر بدھ کو پارلیمنٹ ہاؤس کے احاطے میں انہیں خراج عقیدت پیش کرنے کے لیے ایک پروگرام کا انعقاد کیا گیا تھا۔صدر مرمو کے علاوہ نائب صدر دھنکھڑ، وزیر اعظم مودی اور لوک سبھا اسپیکر برلا، سابق صدر رام ناتھ کووند، کانگریس کی سابق قومی صدر سونیا گاندھی، کانگریس کے قومی صدر اور راجیہ سبھا میں اپوزیشن کے لیڈر ملکارجن کھڑگے اور کئی مرکزی وزرا اور موجودہ اور سابق وزیر اعظم نے شرکت کی۔
