بارہ بنکی:اتر پردیش کے بارہ بنکی ضلع کے رام نگر میں شدید سڑک حادثہ پیش آیا ہے۔ یہاں ایک تیز رفتار ٹرک نے دوسری سمت سے آ رہی ایک کار میں زور دار ٹکر مار دی جس میں 4 لوگوں کی موت ہو گئی۔ حادثے میں 3 افراد شدید طور پر زخمی بھی ہوئے ہیں جنہیں سی ایچ سی رام نگر سے ضلع اسپتال ریفر کیا گیا ہے۔ حادثے کے بعد ہائی وے پر دو کلومیٹر لمبا جام لگ گیا۔ بارہ بنکی-بہرائچ ہائی وے پر گنیش پور موڑ کے پاس واقع اَنچل چنچل ڈھابے کے سامنے قریب ساڑھے پانچ بجے یہ حادچہ پیش آیا۔
کار میں سوار لوگ کانپور سے گونڈا جا رہے تھے۔ حادثے کے بعد موقع پر چیخ و پکار مچ گئی۔ ٹکر کے بعد ارٹیگا کار کے پرخچے اڑ گئے۔ چاروں لاشیں کار میں ہی پھنسی تھیں جنہیں کٹر مشین سے کاٹ کر باہر نکالا گیا۔ ٹرک کے سامنے کے حصہ کو بھی نقصان پہنچا ہے۔ مقامی لوگوں اور پولیس نے زخمیوں کو فوراً رام نگر کے کمیونٹی ہیلتھ سینٹر پہنچایا، جہاں سے ان کی سنگین حالت کو دیکھتے ہوئے ضلع اسپتال ریفر کر دیا گیا۔ فی الحال دونوں گاڑیوں کو قبضے میں لے کر رام نگر پولیس نے جانچ شروع کر دی ہے۔ پولیس نے امکان ظاہر کیا ہے کہ ٹرک ڈرائیور نشے میں یا نیند کی حالت میں تھا جس سے یہ حادثہ پیش آیا۔
شامل ہیں۔ مہلوکین میں ایک شخص کی شناخت گونڈا باشندہ ایان قریشی کے طور پر کی گئی ہے۔ تھانہ انچارج نے بتایا کہ اہل خانہ کو اطلاع دے دی گئی ہے۔ ان کے آنے پر دیگر لوگوں کی شناخت ہوگی۔جائے حادثہ پر موجود ایک مقامی باشندہ سبھاش تیواری نے بتایا کہ یہ موڑ بہت خطرناک ہے۔ پہلے بھی کئی مرتبہ یہاں حادثے ہو چکے ہیں۔ انتظامیہ کو یہاں پر ٹریفک انتظام بہتر کرنی چاہیے۔ لوگوں نے قومی شاہراہ اتھاریٹی (این ایچ اے آئی) اور مقامی انتظامیہ سے اس موڑ پر اسپیکڈ بریکر، ٹریفک سائن، اور سی سی ٹی وی کیمرہ و اسٹریٹ لائٹ لگائے جانے کا مطالبہ کیا ہے۔
