2027 میں حج کے لیے منتخب امیدواروں کے حوالے سے رہنما ہدایات جاری کی گئی ہیں۔ یہ ہدایات حج کمیٹی آف انڈیا (وزارت اقلیتی امور کے تحت) نے 2027 کے لیے سرکلر نمبر 10 کے ذریعے منگل کو جاری کی ہیں۔ اس میں حج پالیسی 2027 کی دفعہ 21 کے تحت 2 مراحل پر مشتمل سخت طبی جانچ اور فٹنس سرٹیفیکیشن کے عمل کو لازمی قرار دیا گیا ہے۔
سرکلر کے تحت پہلے مرحلے یعنی اسٹیج-1 کے لیے عارضی طور پر منتخب تمام عازمین کو سرکاری ہیلتھ سنٹر میں سرکاری ایلوپیتھک میڈیکل افسر سے ابتدائی طبی جانچ کرانی ہوگی۔ اس کے ساتھ ہی ان مکمل پرائمری میڈیکل اسکریننگ اور فٹنس سرٹیفکیٹ، جسے اینیکزر-1 بھی کہا جاتا ہے، اور ادائیگی کی رسید آن لائن جمع کرانی ہوگی۔ تمام عازمین کو اسے ’ایچ سی او ایل‘ پورٹل پر اپ لوڈ کرنا ہوگا یا پھر 15 ستمبر 2026 تک یا اس سے قبل اپنی متعلقہ ریاست/مرکز کے زیر انتظام علاقے کی حج کمیٹی کو اس کی ہارڈ کاپی جمع کرانی ہوگی۔
سرکلر میں مزید بتایا گیا ہے کہ سفر شروع ہونے کے وقت کے آس پاس ہونے والی دوسرے مرحلے (اسٹیج-2) کی اسکریننگ کے لیے اصل دستاویزات اور تشخیصی رپورٹ کو محفوظ رکھنا ہوگا۔ جو بھی امیدوار فٹ نہیں پائے جائیں گے، ان کا رجسٹریشن منسوخ کر دیا جائے گا۔ اس کے علاوہ سرکلر میں کہا گیا ہے کہ طبی حالت چھپانے یا غلط معلومات دینے پر فوری طور پر نااہل قرار دے دیا جائے گا۔ اس کے علاوہ جمع کرائی گئی رقم ضبط کر لی جائے گی۔ ساتھ ہی موجودہ پالیسی کے تحت قانونی کارروائی کی دفعات کا بھی سرکلر میں ذکر کیا گیا ہے۔
قابل ذکر ہے کہ حج کمیٹی کی جانب سے ایک فارم بھی جاری کیا گیا ہے۔ اس میں امیدواروں کی تفصیلات اور تصویر منسلک کرنے کے علاوہ سنگین بیماریوں سے متعلق سوالات پوچھے گئے ہیں۔ اس فارم میں کسی بھی طرح کی سنگین بیماری، الرجی، بلڈ پریشر، شوگر، دل سے متعلق مسائل، کینسر اور ذہنی بیماری سمیت کئی طرح کی معلومات طلب کی گئی ہیں۔
