سناتن دھرم کو ڈینگو‘ ملیریا کہنے پر اودیاندھی اسٹالن پٹنہ کی عدالت میں طلب

پٹنہ۔ تملناڈوکے وزیر اعلیٰ ایم اسٹالن کے بیٹے اور تاملناڈو کے وزیر اودیاندھی اسٹالن کو ایک تازہ سمن کے ذریعہ پٹنہ کی ایک عدالت نے سناتن دھرم کو ڈینگو‘ ملیریا اور کرونا قراردیتے ہوئے کئے گئے ریمارکس پر کی گئی ایک شکایت کے حوالے سے طلب کیاہے۔ایم پی ایم ایل اے عدالت پٹنہ نے اودیا نیدھی اسٹالن جنھوں نے ایک عوامی جلسہ عام میں مذکورہ ریمارکس کئے تھے‘ کو 13فبروری تک عدالت میں فزیکل پیش ہونے کو کہا ہے۔
اودیاندھی اسٹالن کے بیان کے بعد وکیل ڈاکٹر کوشیلیندرر نارائن نے پٹنہ کی عدالت سی جے ایم میں ایک مقدمہ درج کیاتھا جس کو بعد میں ایم پی ایم ایل اے عدالت میں منتقل کردیاگیاتھا۔متعدد آئی پی سی دفعات کے تحت6دسمبر کے روز مذکورہ ایم پی ایم ایل کی عدالت نے اودیاندھی اسٹالن کو طلب کیاتھا۔ پیر کے روز بھی سماعت عمل میں آئی اور تازہ سمن جاری کئے گئے ہیں۔