کانگریس کی رکن پارلیمنٹ پرینکا گاندھی اور رابرٹ واڈرا کے بیٹے ریحان نے اویوابیگ سے منگنی کر لی ہے۔ اس خبر کا اعلان انہوں نے خود ایک سوشل میڈیا پوسٹ کے ذریعے کیا۔ دونوں نے 29 دسمبر 2025 کو منگنی کی تھی جس کی تفصیلات اب سامنے آگئی ہیں۔
دونوں کی ایک تصویر شیئر کرتے ہوئے پرینکا گاندھی نے لکھا، "آپ دونوں کے لیے بہت پیار، آپ ہمیشہ ایک دوسرے سے محبت اور احترام کرتے رہیں، جیسے آپ 3 سال کی عمر سےایک بہترین دوست رہے ہیں۔”رابرٹ واڈرا نے کہا، "میرا بیٹا زندگی کے ایک نئے دور میں داخل ہو رہا ہے اور اسے اپنا جیون ساتھی مل گیا ہے۔ میں ان دونوں کو تہہ دل سے مبارکباد دیتا ہوں۔ ان کی زندگی خوشیوں، اٹوٹ صحبت اور مضبوط محبت اور اعتماد سے بھر جائے،وہ اس خوبصورت سفر کو ایک ساتھ جاری رکھیں، ہاتھ تھامے، اور ایک ساتھ خوشحال ہوں۔
دونوں خاندانوں نے ریحان اور اویوا کی شادی کے لیے رضامندی دے دی اس کے بعد منگنی ہوئی۔یہ پہلا موقع ہے جب خاندان کے کسی فرد نے ریحان کے ایویوا کے ساتھ تعلقات پر تبصرہ کیا ہے۔ریحان اور اویوا بیگ نے راجستھان میں ایک نجی تقریب میں منگنی کی جس کی تصاویر خود ریحان نے اپنے انسٹاگرام پوسٹ پر شیئر کیں۔ اس نے کیپشن میں ایک انگوٹھی شامل کی اور تاریخ، 29 دسمبر کا ذکر کیا۔
25 سالہ ریحان واڈرا ایک انسٹالیشن اور ویژول آرٹسٹ ہیں۔ ریحان، جنہوں نے "ڈارک پرسیپشن” کے عنوان سے ایک سولو نمائش منعقد کی ہے، قدرت کی فوٹو گرافی اور سفر میں دلچسپی رکھتے ہیں۔ انہیں آرٹ اور فوٹو گرافی کا شوق ہے۔ ریحان واڈرا نے اپنی ابتدائی تعلیم دہلی میں مکمل کی اور دہرادون اور لندن میں اپنی تعلیم کو آگے بڑھایا۔ ایویوا بیگ، دہلی میں پیدا ہوئی اور پرورش پائی، ایک فائن آرٹ فوٹوگرافر اور پروڈیوسر ہیں۔ اپنی ویب سائٹ avivabaig.com پر، وہ خود کو دہلی میں مقیم فوٹوگرافر بتاتی ہیں۔
