نکیتا نے فیمینا مس انڈیا کا خطاب جیتا

ممبئی: مدھیہ پردیش کی نکیتا پوروال نے فیمینا مس انڈیا 2024 کا خطاب جیت لیا ہے ۔ہندوستان کی سب سے باوقار مقابلہ حسن فیمینا مس انڈیا 2024 کا فائنل بحسن وخوبی اختتام پذیر ہوا۔ مدھیہ پردیش کی نکیتا پوروال فیمینا مس انڈیا 2024 بن گئی ہیں۔ انہیں 2023 کی فاتح نندنی گپتا نے تاج پہنایا۔ نکیتا اب مس ورلڈ مقابلے میں ہندوستان کی نمائندگی کریں گی۔دادر اور نگر حویلی (مرکزی خطہ) سے تعلق رکھنے والی ریکھا پانڈے کو فیمینا مس انڈیا 2024 کی پہلی رنر اپ اور گجرات کی آیوشی ڈھولکیا کو دوسری رنر اپ کا تاج پہنایا گیا۔نکیتا پوروال، ریکھا پانڈے اور آیوشی ڈھولکیا کو نیہا دھوپیا نے پھولوں کے گلدستے سے استقبال کیا۔