اگست میں مانسون کمزور مرحلے میں داخل

نئی دہلی: جولائی کے مہینے میں معمول سے زیادہ بارش ہونے کے بعد اب مانسون آہستہ آہستہ کمزور ہو رہا ہے۔ محکمہ موسمیات کی طرف سے اتوار کو بتایا گیا کہ جولائی میں پانچ فیصد زیادہ بارش ہوئی تھی، لیکن مانسون اب ہماچل پردیش، اتراکھنڈ اور سوراشٹرا سمیت ملک کے شمالی میدانی علاقوں میں کمزور مرحلے میں داخل ہو گیا ہے۔ ایسے میں آنے والے دنوں میں شمالی علاقوں میں کم بارش کا امکان ہے۔ اس کے ساتھ یہ بھی بتایا گیا کہ وسطی اور جزیرہ نما ہندوستان میں بھی بارشوں میں کمی آئے گی۔
محکمہ موسمیات کے ڈائریکٹر جنرل ایم مہاپاترا نے کہاکہ ‘مانسون اب کمزور مرحلے میں داخل ہو گیا ہے۔ ہم نے پورے جولائی میں مانسون کا ایک بھرپور اور فعال مرحلہ دیکھا ہے۔ بین موسمی تغیرات کے ساتھ فعال مرحلے کے بعد، مانسون کے اب کمزور مرحلے کی توقع ہے۔ایم موہاپاترا نے کہا، "ہم مشرقی ریاستوں جیسے بہار، مغربی بنگال، جھارکھنڈ اور اتر پردیش کے کچھ حصوں میں بارش کی توقع کر رہے ہیں جہاں بارش کی کمی کا سامنا ہے۔” محکمہ موسمیات نے پچھلے مہینےپہلے اس کی پیش گوئی کر دی ہے۔ معمول سے کم بارش کا امکان ہے۔1971 سے 2020 تک کے اعداد و شمار کا حوالہ دیتے ہوئے بتایا گیا کہ اتنے طویل عرصے میں ہندوستان میں اگست کی اوسط بارش معمول کے 90 فیصد سے 94 فیصد کے درمیان رہی ہے۔ محکمہ موسمیات کے مطابق اگست اور ستمبر میں بارش عموماً 42.8 سینٹی میٹر ہوتی ہے۔ صرف اگست میں 25.49 سینٹی میٹربارش ہوتی ہے۔