ہندوستان کوحقیقی آزادی 1977 میں ملی ، 1947 میں نہیں۔سمراٹ

پٹنہ: بہار بی جے پی کے صدر سمراٹ چودھری نے دعویٰ کیا کہ ہندوستان کو 1977 میں آزادی ملی ہے، 1947 میں نہیں۔ 1977 میں آزادی ملنے کے سلسلے میں ان کی دلیل یہ ہے کہ جب جے پرکاش نارائن کی تحریک کے نتیجے میں نئی غیر کانگریس حکومت کی تشکیل عمل میں آئی ۔انہوں نے کہا کہ ملک کو 1947 میں آزادی ضرور ملی لیکن میں اس پر یقین نہیں رکھتا کیونکہ انگریزوں نے خودتو ملک چھوڑ دیا لیکن چارج نئے انگریزوں کو دے دیا۔ مکمل آزادی 1977 میں حاصل ہوئی جب جے پرکاش نارائن کے ذریعے شروع کردہ ‘سمپورنا کرانتی (مکمل انقلاب) کے بعد ایک نئی حکومت کی تشکیل ہوئی۔ "چودھری نے پٹنہ میں گوسوامی تلسی داس کی یوم پیدائش کے موقع پر ایک اجتماع سے خطاب کرتے ہوئے ان خیالات کا اظہار کیا ۔
انہوں نے کہا کہ میرے لیے، برہمن ماضی میں بھی برتر تھے اور مستقبل میں بھی برتر رہیں گے۔ ہم بھگوان رام اور چندرگپت موریہ کے جانشیںہیں۔ انہوں نے نتیش کمار کو بہار کے وزیر اعلیٰ کے عہدے سے ہٹانے کے بعد ہی اپنی پگڑی اتارنے کا حلف لیا ہے۔چودھری نے بہار کے وزیر اعلیٰ نتیش کمار کے اس بیان پر ردعمل ظاہر کیا کہ آپ پگڑی کیوں باندھتے ہیں؟
انہوں نے یہ بھی کہا کہ پڑوسی اترپردیش ترقی کے معاملے میں بہت دور پہنچ گیا ہے۔ یوگی آدتیہ ناتھ کی قیادت میں اتر پردیش کا سالانہ بجٹ بہار کے مقابلے میں 14 گنا زیادہ ہوا ہے۔ یوپی کا بجٹ 42 لاکھ کروڑ روپے ہے جبکہ بہار کا سالانہ بجٹ صرف 2.61 لاکھ کروڑ روپے ہے۔