راجیہ سبھا رکن راگھو چڈھا کواب سرکاری بنگلہ خالی کرنا پڑیگا

نئی دہلی: راجیہ سبھا کے رکن پارلیمان راگھو چڈھا کو اب اپنا سرکاری بنگلہ خالی کرنا پڑے گا۔ پٹیالہ ہاؤس کورٹ نے اپنا عبوری حکم واپس لے لیا جس میں اس نے راجیہ سبھا سکریٹریٹ کو ہدایت دی تھی کہ وہ راگھو چڈھا سے بنگلہ خالی نہ کرائے۔ اس حکم کے خلاف دائر سیکرٹریٹ کی درخواست پر اپنے حکم میں، عدالت نے جمعہ کو کہا کہ بنگلے کی الاٹمنٹ کی منسوخی کے بعد، راگھو چڈھا کے اس بنگلے میں رہنے کا کوئی جواز نہیں ہے۔ راگھو چڈھا یہ دعویٰ نہیں کر سکتے کہ راجیہ سبھا رکن کے طور پر اپنی مدت پوری ہونے تک انہیں اس بنگلے میں رہنے کا حق ہے۔
دراصل راجیہ سبھا کے رکن بننے کے بعد راگھو چڈھا کو دہلی کے پنڈارا روڈ پر ایک ٹائپ 7 بنگلہ الاٹ کیا گیا تھا، لیکن بعد میں پتہ چلا کہ پہلی بار رکن اسمبلی بننے والے راگھو چڈھا اس کے حق دار نہیں تھے کیونکہ پہلی بار ایم پی بننے والے لیڈروں کو سرکاری فلیٹ الاٹ کیا جاتا ہے۔ اس کی غلطی کے سامنے آنے کے بعد، راجیہ سبھا سکریٹریٹ نے بنگلہ خالی کرنے کا نوٹس دیا تھا، جسے راگھو چڈھا نے چیلنج کرتے ہوئے کہا تھاکہ رکن پارلیمنٹ کورہائش گاہ الاٹ ہونے پر اسے تب تک خالی نہیں کر ایا جا سکتاجب تک وہ رکن پارلیمنٹ ہے ۔
عدالت نے اپنے حکم میں کہا کہ عرضی گزار راجیہ سبھا کے رکن کے طور پر اپنے پورے دور میں بنگلے میں رہنے کے حق کا دعویٰ نہیں کر سکتا۔ اگر ان کی الاٹمنٹ مسترد ہو جاتی ہے تو انہیں اسے خالی کرنا پڑے گا۔ راجیہ سبھا سکریٹریٹ کے وکیل نے یہ بحث کرتے ہوئے کہا کہ راجیہ سبھا کے رکن ہونے کے ناطے راگھو چڈھا کو ٹائپ 6 بنگلہ الاٹ کرنے کا حق ہے نہ کہ ٹائپ 7 بنگلہ۔
پٹیالہ ہاؤس کورٹ نے اپنا بنگلہ خالی کرنے کے معاملے میں راگھو چڈھا پر لگائی گئی عبوری روک کو ہٹا دیا۔ پٹیالہ ہاؤس کورٹ نے راجیہ سبھا سکریٹریٹ کے بنگلے کو خالی کرنے کے نوٹس کو برقرار رکھا ہے۔ پٹیالہ ہاؤس کورٹ نے کہا کہ راگھو چڈا کو ٹائپ 7 بنگلے پر قبضہ جاری رکھنے کا کوئی موروثی حق نہیں ہے کیونکہ یہ محض ایک استحقاق تھا جو انہیں بطور رکن پارلیمنٹ دیا گیا تھا۔