کیا کوئی بھکاری ڈیجیٹل بھیک مانگ سکتا ہے؟

گوہاٹی: دنیا بہت تیزی سے ڈیجیٹل دور میں منتقل ہورہی ہے لیکن کیا آپ نے کبھی سوچا ہوگا کہ ایک بھکاری بھی ڈیجیٹل بھیک مانگ سکتا ہے؟ جی ہاں! یہ نظارہ آسام کے گوہاٹی میں دیکھا گیا جس نے سب کو حیران کردیا۔میڈیا رپورٹس کے مطابق ایک نابینا بھکاری بھیک مانگنے کیلئے گاڑی تک پہنچا تو دیکھا گیا کہ اس کی شرٹ پر کیو آر کوڈ پرنٹ تھا۔ گاڑی کے ڈرائیور نے بھکاری سے بات چیت کی اور کیو آر کوڈ کو اسکین کیا اور جو دینا تھا،اسے آن لائن ٹرانسفر کردیا۔