کانوڑ یاترا کے دوران حال ہی میں ڈی جے اور تیز موسیقی کو لے کر ہوئے تنازعہ اور مار پیٹ کے واقعات نے اتر پردیش انتظامیہ کو سخت قدم اٹھانے پر مجبور کر دیا ہے۔ انتظامیہ نے اب کانوڑ یاترا کے دوران کانوڑیوں کے بیس بال بیٹ، ہاکی اسٹک جیسے سامان لے کر چلنے پر پوری طرح سے پابندی لگا دی ہے۔ انتظامیہ کا کہنا ہے کہ یہ فیصلہ یاترا میں امن اور تحفظ کو یقینی بنانے کے لیے کیا گیا ہے۔
انتظامیہ نے واضح طور پر ہدایت جاری کی ہے کہ کانوڑ یاتری کسی بھی طرح کے ایسے سامان کو ساتھ نہیں لے جا سکیں گے جو تشدد یا تنازعہ کی وجہ بنتے ہیں۔ حالانکہ تریشول جیسی مزہبی علامت کو لے جانے پر کوئی روک نہیں لگائی گئی ہے۔ انتظامیہ کا کہنا ہے کہ مذہبی جذبات کا احترام کرتے ہوئے صرف ان چیزوں پر پابندی لگائی گئی ہے جو تحفظ کے لیے خطرہ پیدا کر سکتی ہیں۔
گزشتہ کچھ برسوں میں کانوڑ یاترا کے دوران ڈی جے مقابلوں کی وجہ سے کئی مرتبہ کشیدگی اور مارپیٹ کے واقعات سامنے آئے ہیں۔ ان واقعات کو روکنے کے لیے انتظامیہ کو ایسے سامان کے لے جانے پر پابندی لگانے پر مجبور ہونا پڑا ہے۔ ساتھ ہی ڈی جے اور دیگر شور شرابے والی سرگرمیوں پر بھی سخت نظر رکھنے کا فیصلہ کیا گیا ہے۔
افسروں نے ہفتہ کو بتایا کہ کانوڑ یاترا کے کے لیے ڈی جے لے جا رہی کئی گاڑیوں کو پولیس نے روک لیا اور آگے جانے کی اجازت دینے سے پہلے ان میں ضروری تبدیلی کیے۔
پولیس اور مقامی انتظامیہ کو ہدایت دی گئی ہے کہ وہ یاترا کے راستوں پر سخت نگرانی رکھیں اور کسی بھی ناخوشگوار واقعہ کو روکنے کے لیے فوری کارروائی کریں۔ کانوڑ یاتریوں سے اپیل کی گئی ہے کہ وہ امن اور بھکتی کے ساتھ یاترا کو مکمل کریں تاکہ یہ مذہبی انعقاد آسانی سے پورا ہو سکے۔
