پٹنہ:الیکشن کمیشن نے بہار اسمبلی کی تمام 243 نشستوں کے رجحانات جاری کر دیے ہیں، جن کے مطابق ریاست میں این ڈی اے کی برتری مضبوط ہوتی جا رہی ہے۔ تازہ ترین اعداد و شمار کے مطابق این ڈی اے 188 نشستوں پر آگے ہے، جن میں بی جے پی 84، جے ڈی یو 77، ایل جے پی (رام ولاس) 22، ایچ ایم ایس 5 پر آگے ہے۔
دوسری جانب مہاگٹھ بندھن 51 نشستوں پر آگے دکھائی دے رہا ہے، جن میں آر جے ڈی 35، کانگریس 5، سی پی آئی (ایم-ایل) 7 جبکہ وی آئی پی اور سی پی ایم ایک ایک سیٹ پر آگے ہیں۔ گنتی کا عمل الیکشن کمیشن کی نگرانی میں تیزی سے جاری ہے، اور جیسے جیسے مزید راؤنڈ سامنے آ رہے ہیں، ریاست کی سیاسی تصویر مزید واضح ہوتی جا رہی ہے۔
اس بار بہار میں ریکارڈ 67.13 فیصد ووٹنگ ہوئی ہے، جو 1951 کے بعد سب سے زیادہ ہے۔ خواتین ووٹرز کی شرکت غیر معمولی رہی اور 71.6 فیصد تک پہنچی۔ الیکشن کمیشن کے مطابق کسی امیدوار یا سیاسی جماعت نے دوبارہ پولنگ کی درخواست نہیں کی۔
