پٹنہ :بہار میں اس سال اسمبلی انتخابات ہونے والے ہیں۔ اس کے پہلے بہار ریاستی کانگریس میں پارٹی تنظیم کو مضبوط کرنے کی قواعد مسلسل جاری ہے۔ بہار کے انچارج اور صدر کے عہدے پر نئے لوگوں کو ذمہ داری دینے کے بعد اب پارٹی کی قومی قیادت نے بہار کے 40 تنظیمی اضلاع میں نئے صدور کی تقرری کر دی ہے۔ منگل کی دیر رات پارٹی کے قومی جنرل سکریٹری کے سی وینوگوپال نے اس سلسلے میں حکم نامہ جاری کر دیا۔
حکم نامہ کے مطابق پٹنہ ٹاؤن، پٹنہ ڈیہی- ایک اور دو کو ملا کر تین نئے صدر اور اتنے ہی کارگزار صدر مقرر کیے گئے ہیں۔ پٹنہ ٹاؤن کا صدر پارٹی کے پرانے اور نوجوان رہنما ششی رنجن کو بنایا گیا ہے۔ ساتھ ہی پٹنہ ٹاؤن کے کارگزار صدر کے عہدہ کی ذمہ داری رنجیت کمار کو سونپی گئی ہے۔
سمت کمار سنّی کو پٹنہ دیہی-1 کے صدر عہدہ کی ذمہ داری دی گئی ہے جبکہ اُدئے کمار چندرونشی کو کارگزار صدر بنایا گیا ہے۔ پٹنہ دیہی-2 کے صدر کا عہدہ گرجیت سنگھ کو دیا گیا ہے جبکہ نیتو نشاد کو کارگزار صدر بنایا گیا ہے۔
پٹنہ کے علاوہ مظفرپور کانگریس صدر کے عہدہ کی ذمہ داری اروند مکل کو ملی ہے۔ بھاگلپور صدر کے عہدہ پر پرویز جمال کو بحال کیا گیا ہے۔ گیا میں سنتوش کمار سنگھ صدر بنائے گئے ہیں۔ ساتھ ہی دو کارگزار صدر مقرر ہوئے ہیں، شہاب الدین رحمانی اور ادئے مانجھی۔ نالندہ میں نریش اکیلا، نوادہ میں ستیش کمار کو صدر کی ذمہ داری سونپی گئی ہے۔
وہیں ارریہ میں سعد احمد، دربھنگہ میں دیانند پاسوان، مشرقی چمپارن میں انجینئر ششی بھوشن رائے، گوپال گنج میں اوم پرکاش گرگ، کٹیہار میں سنیل یادو کے ساتھ دو کارگزار صدر بھی مقرر کیے گئے ہیں۔ کشن گنج میں امام علی کے علاوہ صاحب الاختر کو کارگزار صدر بنایا گیا ہے۔
مدھے پورہ میں سوریہ نارائن رام، مدھوبنی میں سبودھ منڈل، پورنیہ میں وجندر یادو، سہرسہ میں مکیش جھا اور تارینی رشی دیو کو کارگزار صدر بنایا گیا ہے۔ سمستی پور میں ابو تمیم، سارن میں بچن پرساد ویرو، شیوہر میں نوری بیگم، سیتامڑھی میں رکتو پرساد کو صدر بنایا گیا ہے۔
وہیں سیوان میں سشیل کمار یادو، سوپول میں سوریہ نارائن مہتا، ویشالی میں مہیش پرساد رائے، مغربی چمپارن میں پرمود سنگھ پٹیل، اورنگ آباد میں راکیش کمار سنگھ، ارول میں دھننجے شرما، بانکا میں کنچن سنگھ، بیگوسرائے میں ابھئے کمار ساجن، بھوجپور میں اشوک رام، بکسر میں ڈاکٹر منوج کمار پانڈے صدر بنائے گئے ہیں۔
اس کے علاوہ جہان آباد میں اشتیاق احمد، جموئی میں انل کمار سنگھ، کیمور میں رادھے شیام کشواہا، کھگڑیا میں اویناش کمار اویناش، لکھی سرائے میں امریش کمار انیس، مونگیر میں اشوک پاسوان، روہتاس میں امریندر پانڈے اور شیخ پورہ میں پربھات کمار چندرونشی کو صدر کے عہدہ کی ذمہ داری سونپی گئی ہے۔
