سال 2024 کا پہلا چاند گرہن امریکہ‘ یورپ وغیرہ میں دیکھا گیا

نئی دہلی: سال 2024 کا پہلا چاند گرہن امریکہ‘ یورپ کے بیشتر ممالک، آسٹریلیا، افریقہ، شمالی اور مشرقی ایشیا میں نظر آیا۔ 25 مارچ 2024 کو ہونے والا چاند گہن ہندوستان اور پاکستان سے اس کے وقت کی وجہ سے دن کی روشنی کی وجہ سے نہیں دیکھا جا سکا ۔ اس کے بجائے پورے یورپ، افریقہ اور جنوبی امریکہ کے بعض حصوں میں چاند گہن نظر آیا۔ چاند گرہن ہندوستانی معیاری وقت کے مطابق صبح 10بجکر24منٹ پر شروع ہواجو 12بجکر44منٹ پر اپنے عروج پر پہنچااور 3بجکر1منٹ پر اختتام پذیر ہوا۔ ماہر فلکیات کے مطابق جزوی چاند گہن کے دوران زمین کا بہت کم سایہ چاند پر نظر آیا، اس سے چاند کا کوئی حصہ چھپتا نہیںہے۔ اس طرح کے چاند گرہن کو پینمبرل چاند گرہن کہا جاتا ہے۔جس کے دوران چاند کی چمک معمولی ماند پڑتی ہے۔رواں سال کا دوسرا جزوی چاند گرہن 17 ستمبر کو ہوگا۔