بلند شہر:اتر پردیش کے بلند شہر میں ہفتہ کی صبح ہوئے ایک سڑک حادثے میں 3 لوگوں کی موت ہو گئی۔ یہ حادثہ سکندر آباد صنعتی علاقے میں قومی شاہراہ-34 پر اس وقت پیش آیا جب ایک بے قابو کار ٹریکٹر ٹرالی سے ٹکرا گئی۔ حادثے میں کار ڈرائیور سمیت تین لوگوں کی جان چلی گئی۔ وہیں واقعہ کو دیکھ رہے ایک اسکوٹی سوار نوجوان کو پیچھے سے آ رہی ایک گاڑی نے ٹکر مار دی جس سے وہ شدید طور پر زخمی ہو گیا، جسے فوری طور پر اسپتال بھیجا گیا۔ پولیس نے موقع پر پہنچ کر تینوں لاشوں کو پوسٹ مارٹم کے لیے بھیج دیا۔
جوکھا باد چوکی انچارج میجر سنگھ عرف وِرک نے حادثے کے بارے میں اطلاع دیتے ہوئے بتایا کہ صبح سویرے صنعتی علاقے میں اورینٹ بیل فلائی اوور پر ایک کار کی ٹریکٹر-ٹرالی سے ٹکر ہو گئی۔ ٹریکٹر-ٹرالی میں سیمنٹ کے پول بھرے ہوئے تھے، اچانک پنکچر ہو جانے کی وجہ سے اس کی رفتار کم ہو گئی جس سے پیچھے سے آ رہی تیز رفتار کار ٹریکٹر ٹرالی سے ٹکرا گئی۔
حادثے میں کار ڈرائیور سچن (25 سال)، امت (35 سال) اور دینا ناتھ (45 سال) کی موقع پر ہی موت ہو گئی۔ وہیں کار پر سوار دیگر 2 لوگوں کے زخمی ہونے کی بھی اطلاع ہے، جنہیں علاج کے لیے اسپتال میں داخل کرا دیا گیا ہے۔ پولیس نے گاڑی میں پھنسی لاشیں این ایچ اے اائی اہلکاروں کی ٹیم کی مدد سے باہر نکلوائی۔
حادثے کے بعد جائے وقوع پر لوگوں کی بھیڑ جمع ہو گئی۔ اس درمیان حادثہ کو دیکھ رہے ایک اسکوٹی سوار کو پیچھے سے نامعلوم گاڑی نے زوردار ٹکر مار دی، جس سے وہ شدید طور پر زخمی ہو گیا۔ پولیس حادثے کی جانچ کر رہی ہے۔ معاملے میں پولیس نے سی سی ٹی وی بھی چیک کیا ہے۔ بتایا جا رہا کہ ٹریکٹر والے نے حادثے کو ٹالنے کے پنکچر کے بعد رفتار سست کی تھی۔
