انڈین پریمیئر لیگ (آئی پی ایل) کے آئندہ سیزن کے لیے کھلاڑیوں کی منی نیلامی منگل 16 دسمبر کو ابوظہبی کے اتحاد ایرینا میں ہوئی۔ آسٹریلیائی آل راؤنڈر کیمرون گرین منی نیلامی میں سب سے مہنگےغیر ملکی کھلاڑی تھے، جنہیں کولکتہ نائٹ رائیڈرز (کے کے آر) نے 25.20 کروڑ روپےمیں خریدا۔
لوک سبھا کے رکن پارلیمنٹ پپو یادو کے بیٹے سارتھک رنجن نے بھی آئی پی ایل 2026 کی منی نیلامی میں ایک کامیاب بولی میں حصہ لیا۔ تین بار کی چیمپئن کولکتہ نائٹ رائیڈرز نے سارتھک کو 30 لاکھ روپے میں اپنی ٹیم میں شامل کیا۔ سارتھک کی بنیادی قیمت 30 لاکھ روپے تھی، اور اس نے اسی قیمت پر شاہ رخ خان کی شریک ملکیت والی کے کے آرمیں شمولیت اختیار کی۔ یہ سارتھک کی پہلی آئی پی ایل میں شرکت ہوگی۔ یہ دیکھنا باقی ہے کہ سارتھک آئندہ آئی پی ایل سیزن میں کے کے آرکے لیے کتنے میچ کھیلتے ہیں۔
دہلی پریمیئر لیگ (ڈی پی ایل) 2025 میں کرکٹر سارتھک رنجن کا ب شمار قابل قدر کھلاڑیو میں تھا۔ اوپننگ بلے باز سارتھک رنجن نے نارتھ دہلی اسٹرائیکرز کے لیے 11 میچوں کی 10 اننگز میں 55 کی اوسط سے 495 رنز بنائے، جس میں چار نصف سنچریاں بھی شامل تھیں۔ ان کا بہترین اسکور 82 رن تھا۔ سارتھک نے 56 چوکے اور 18 چھکے لگائے۔ سارتھک ڈی پی ایل 2025 میں دوسرے سب سے زیادہ رنز بنانے والے کھلاڑی تھے۔
29 سالہ سارتھک رنجن گزشتہ مارچ میں اس وقت سرخیوں میں آئے جب انہوں نے اپنے والد پپو یادو کے ساتھ کانگریس پارٹی میں شمولیت اختیار کی۔ سارتھک کے والد پورنیا لوک سبھا سیٹ سے رکن پارلیمنٹ ہیں، جب کہ ان کی ماں رنجیت رنجن کانگریس کے ٹکٹ پر چھتیس گڑھ سے راجیہ سبھا کی رکن ہیں۔
