آرٹیکل370سے متعلق سپریم کورٹ کے فیصلے پر او آئی سی کا اظہارِ تشویش

جدہ : اسلامی تعاون کی تنظیم (او آئی سی)کے سیکریٹری جنرل حسین ابراہیم طحٰہ نے سپریم کورٹ کے 11 دسمبر کے فیصلے پر اظہارِ تشویش کیا ہے۔سیکریٹری جنرل او آئی سی نے کہا ہے کہ جموں کشمیر کی خصوصی حیثیت ختم کرنے کا فیصلہ برقرار رکھنے پر ہندوستانی سپریم کورٹ کے فیصلے پراسے تشویش ہے۔
اسلامی تعاون کی تنظیم کا کہنا ہے کہ جموں کشمیر کی خصوصی حیثیت ختم کرنے کو درست قرار دینا باعثِ تشویش ہے۔او آئی سی نے اپنے ردِ عمل میں کہا ہے کہ ہندوستانی حکومت کا کشمیر پر یک طرفہ اقدام برقرار رکھنا درست نہیں ہے۔واضح رہے کہ 11 دسمبر کو سپریم کورٹ نے کشمیر کی خصوصی حیثیت کی منسوخی کے خلاف اپیلوں پر فیصلہ سنایا تھا۔