میگا اسٹار امیتابھ بچن نے آن لائن گیمز کو ایک نشہ قرار دیا

نئی دہلی: کوئز پر مبنی ریئلٹی شو ‘کون بنے گا کروڑ پتی سیزن 15 میں میگا اسٹار امیتابھ بچن نے آن لائن گیمز کو ایک نشہ قرار دیا۔ ان گیمز کے بارے میں بھی بتایا جو وہ اپنی پوتی آرادھیا کے ساتھ کھیلتے ہیں۔ شو کی 75ویں قسط میں، میزبان امیتابھ بچن نے بیگوسرائے، بہار سے تعلق رکھنے والے روپک کمار کو ہاٹ سیٹ پر خوش آمدید کہا۔
روپک سے 5000 روپے کا سوال پوچھا گیا ’’شطرنج میں وہ کون سا مہرہ ہے جو کھیل کے آغاز میں بادشاہ کے بالکل قریب والے خانے پر نہیں رکھا جاتا؟” دیئے گئے اختیارات تھے، پیاد، ہاتھی ، ملکہ اور اونٹ۔ صحیح جواب تھا ہاتھی۔
اس پر مقابلہ کے امیدوار روپک نے کہا، ’’سر، شطرنج میرا بچپن سے شوق رہا ہے۔ میرے والد نے مجھے بچپن میں شطرنج سکھائی تھی۔ وہ ابحیات نہیں ہیں۔ پہلے میں دوسروں کے ساتھ کھیلتا تھا لیکن اب میرے پاس وقت نہیں ہے۔ اسی لیے میں آن لائن کھیلتا ہوں۔
انہوں نے مزید کہا ’’جب آن لائن کھیلتا ہوں، تو میں 10 سے 12 گھنٹے تک مسلسل کھیلتا ہوں۔ سر کئی بار میں نے رات 8 بجے کھیلنا شروع کیا اور اگلے دن صبح 5 بجے تک کھیلتا رہا۔ اس دوران میری بیوی ناراض ہو گئی۔ اس نے مجھے تنبیہ کی کہ شطرنج نہ کھیلوں ورنہ مجھے سزا دی جائے گی۔
بگ بی نے کہا، ‘ہاں، آپ بالکل ٹھیک کہتے ہیں۔ جب ہم آن لائن کھیلتے ہیں تو ہمیں اگلا گیم کھیلنے کا لالچ ہوتا ہے۔ اس پر امیدوار نے کہا ’’سر، یہ ایک نشہ ہے۔ آپ سوشل میڈیا پر بہت متحرک ہیں۔‘‘
امیتابھ بچن نے کہا ’’میں واقعی ایکٹو نہیں ہوں۔ میں صرف بے ترتیب لکھتا ہوں۔ میرے بہت سے دوست اور پرستار مجھ سے بات کرتے ہیں۔ میں انہیں جواب دیتا ہوں۔‘‘
روپک نے کہا ’’سر، آپ بہت اپ ڈیٹ ہیں۔ آپ کی توانائی حیرت انگیز ہے۔‘‘
امیتابھ: "اس کے لیے زیادہ توانائی کی ضرورت نہیں ہے۔ میں صرف ٹیکسٹ ٹائپ کرتا ہوں۔ کسی نے مجھے اس پلیٹ فارم پر آنے کا مشورہ دیا تھا تو میں کبھی کبھی لکھتا ہوں۔امیدوار کے اس سوال پر ’’سر، کیا آپ اپنی پوتی آرادھیا کے ساتھ شطرنج کھیلتے ہیں؟‘‘ امیتابھ نے کہا ’’میں شطرنج زیادہ نہیں کھیلتا کیونکہ میں اس میں اچھا نہیں ہوں لیکن ہاں، میں ان کے ساتھ دوسرے کھیل کھیلتا ہوں۔‘‘ خیال رہے کہ ’کون بنے گا کروڑ پتی 15‘ سونی پر نشر ہوتا ہے۔