جامع مسجد نئی دہلی کے امام مولانا محب اللہ ندوی کی رامپور سے شاندار فتح

رامپور: دو سال پہلے لوک سبھا کے ضمنی الیکشن میں سماج وادی پارٹی(ایس پی) کے قلعہ میں ہی اسے شکست فاش دینے والی بی جےپی کو ایس پی کے امیدوار محب اللہ ندوی نے ہرادیا ۔انہوں نے بی جے پی امیدوار کو 87 ہزار ووٹوں سے شکست دی۔رامپور سے مولانا محب اللہ ندی کو کل چار لاکھ 81 ہزار 503 ووٹ ملے۔ سال 2022 میں ہوئے ضمنی الیکشن میں اس سیٹ پر بی جے پی کے گھن شیام سنگھ لودھی نے جیت درج کی تھی۔ضمنی الیکشن میں گھنشیام سنگھ لودھی نے 42 ہزار 192 ووٹوں سے جیت حاصل کی تھی۔ انہیں کل367397 ووٹ ملے تھے جبکہ ایس پی امیدوار عاصم راجا کو 325205 ووٹ ملے تھے۔
مولانا محب اللہ ندوی دہلی کی پارلیمنٹ اسٹریٹ مسجد کے امام ہیں۔ وہ تقریبا 15 سال سے اس مسجد کے امام ہیں۔ مستقل طور سے وہ رام پور کی تحصیل سوار کی گرام پنچایت رجا نگر کے رہنے والے ہیں۔وہ سابق کابینی وزیر اعظم خان کے خیمے سے نہیں ہیں۔ انہیں ایس پی سے ٹکٹ ڈائرکٹ اکھلیش یادو نے دیا تھا۔ ان کی اعظم کے خیمے نے بائیکاٹ اور مخالفت کی تھی۔