مجھے نہیں ملتے ایک پوسٹ سے 11کروڑ روپے ۔وراٹ کوہلی

ممبئی :ہندوستانی کرکٹ ٹیم کے سابق کپتان وراٹ کوہلی نے سوشل میڈیا کے ذریعے اپنی کمائی سے جڑی خبروں کو غلط بتایا ہے۔ کوہلی نے ٹوئٹ کرتے ہوئے لکھا کہ انہیں جو کچھ بھی حاصل ہوا ہے، وہ اس کے لیے بھگوان کے شکرگزار ہیں، لیکن سوشل میڈیا کے ذریعے ان کی کمائی سے جڑی خبریں غلط ہیں۔ رپورٹ میں کہا گیا تھا کہ وراٹ کوہلی انسٹاگرام پر ایک پوسٹ کرنے کے لیے 11.45 کروڑ روپے لیتے ہیںَ اسی رپورٹ میں یہ بھی کہا گیا تھا کہ فٹ بال اسٹار کرسٹیانو رونالڈو انسٹاگرام پوسٹ سے کمائی کے معاملے میں سب سے آگے ہیں۔ رونالڈو ایک پوسٹ کے لیے 3.23 ملین امریکی ڈالر یعنی تقریباً 26.75 کروڑ روپے کی بھاری بھرکم فیس وصول کرتے ہیں۔ اسی فہرست میں لیونل میسی کو دوسرے مقام پر رکھا گیا تھا اور کہا گیا تھا کہ دوسری جانب میسی نے انسٹاگرام پر ہر پوسٹ کے لیے 2.56 ملین امریکی ڈالر (21.49 کروڑ روپے لیے ہیں۔
یہ رپورٹ ہاپر ایچ کیو نے جاری کی ہے۔ اس میں وراٹ کوہلی واحد ہندوستانی اور ٹاپ 20 میں واحد کرکٹر تھے۔ ان خبروں کے منظر عام پر آنے کے بعد کوہلی نے ٹوئٹ کیا، "میں زندگی میں جو کچھ بھی ملا اس کا شکر گزار اور مقروض ہوں، لیکن سوشل میڈیا پر میری کمائی کے بارے میں گردش کرنے والی خبریں درست نہیں ہیں۔وراٹ کوہلی اس وقت دنیا کے مقبول ترین کرکٹ کھلاڑیوں میں سے ایک ہیں۔ وہ آئی پی ایل کے ذریعے ہر سال کروڑوں کماتا ہے اور بی سی سی آئی کے سنٹرل کنٹریکٹ میں بھی وراٹ A+ گریڈ میں ہیں۔ اس کے علاوہ کئی کاروباروں میں بھی ان کی سرمایہ کاری ہے۔ وہ ریسٹورنٹ اور کپڑے کے کاروبار سے بھی وابستہ ہیں۔ وراٹ کی کمائی کا بڑا حصہ اشتہارات کے ذریعے آتا ہے۔ وہ کئی بڑے برانڈز کے برانڈ ایمبیسیڈر بھی ہیں۔