نئی دہلی : ملک کی کئی ریاستوں میں اگلے 24 گھنٹے کے دوران شدید بارش کی وارننگ جاری کی گئی ہے۔ محکمہ موسمیات کی اطلاع کے مطابق 19 سے 22 جون کے درمیان مدھیہ پردیش، ودربھ، چھتیس گڑھ، مغربی بنگال کے گنگا کے میدان، بہار، جھارکھنڈ، اوڈیشہ میں گرج کے ساتھ زوردار بارش کا امکان ہے۔
محکمہ موسمیات نے آج اور کل کے لیے اوڈیشہ اور جھارکھنڈ میں ریڈ الرٹ جاری کیا ہے۔ پیش گوئی کے مطابق آج بہار کے کئی علاقوں میں شدید بارش ہو سکتی ہے۔ 20-19 جون کو جھارکھنڈ میں موسلا دھار بارش کا امکان ہے۔ 24-19 جون کے دوران گجرات، کونکن، گوا، وسط مہاراشٹرا، مراٹھواڑہ میں زیادہ تر مقامات میں درمیانی بارش ہو سکتی ہے۔ 19 جون کو تمل ناڈو، پڈوچیری، کرائیکل، کیرالہ، ماہے، لکش دیپ، کرناٹک، ساحلی آندھرا پردیش، ینم، رائل سیما اور تلنگانہ میں جھماجھم بارش کے آثار نظر آ رہے ہیں۔
محکمہ موسمیات کے مطابق 24-19 جون کے دوران اتراکھنڈ، اتر پردیش، مشرقی راجستھان میں الگ الگ مقامات پر بھاری بارش کا امکان ہے۔ 22 جون کو جموں و کشمیر، لداخ، گلگت، بلتستان، مظفر آباد تو 23-20 جون کے دوران ہماچل پردیش، پنجاب، ہریانہ، چنڈی گڑھ میں شدید بارش ہو سکتی ہے۔ اگلے دو دنوں کے دوران وسطی ہند میں زیادہ تر درجہ حرارت میں 2 سے 3 ڈگری سیلسیس کی گراوٹ کا امکان ہے۔
قومی راجدھانی دہلی میں جمعہ اور ہفتہ کو بارش کا امکان ظاہر کیا گیا ہے۔ یہاں مانسون وقت سے پہلے پہنچ سکتا ہے۔ دہلی-این سی آر میں جمعرات کو آسمان میں بادل چھائے رہ سکتے ہیں۔ کچھ مقامات پر ہلکی بارش بھی ہونے کے آثار ہیں۔ اس دوران 40 سے 60 کلومیٹر فی گھنٹے کی رفتار سے تیز جھونکے دار ہوائیں چلنے، گرجنے والے بادل بننے، بجلی چمکنے کا امکان ہے۔
