بہرائچ میں آدم خور بھیڑیے کی دہشت برقرار، لگاتار چوتھے دن حملہ، خاتون زخمی

یہ چوتھا دن ہے کہ آدم خور بھیڑیوں نے اس علاقے پر حملہ کیا ہے۔ بھیڑیوں کے حملے سے زخمی ہونے والی خاتون کو علاج کے لیے اسپتال میں داخل کرایا گیا ہے۔ رینج فارسٹ آفیسر (آر ایف او) زخمی خاتون سے ملنے میڈیکل کالج پہنچے اور واقعہ کی معلومات حاصل کی۔ اس دوران انہوں نے میڈیا کی جانب سے پوچھے گئے سوالات کا کوئی ٹھوس جواب نہیں دیا۔ مقامی لوگوں نے سکیورٹی کے حوالے سے سخت اقدامات کا مطالبہ کیا ہے۔محکمہ جنگلات نے پانچ بھیڑیوں کو پکڑ لیا ہے۔ اس کے باوجود حملے رک نہیں رہے ہیں۔ گاؤں والوں میں خوف و ہراس کا ماحول ہے۔ محکمہ جنگلات کے اہلکار چھٹے بھیڑیے کو پکڑنے کی کوشش کر رہے ہیں۔ بھیڑیوں کی وجہ سے دیہاتی اپنے گھروں میں بھی خوف سے آزاد نہیں ہیں۔ مسلسل موسلادھار بارش کی وجہ سے بھیڑیوں کے سرچ آپریشن میں مشکلات کا سامنا ہے۔