نئی دہلی : مغربی ایشیا میں جاری کشیدہ صورتحال اور ایران جنگ کے دوران ایک افسوسناک واقعہ پیش آیا ہے، جس میں بھارت کے شہر رانچی سے تعلق رکھنے والے مرچنٹ نیوی کے تجربہ کار افسر کیپٹن راکیش رنجن سنگھ کی موت ہوگی۔رپورٹس کے مطابق کیپٹن راکیش رنجن سنگھ اسٹریٹ آف ہرمز کے قریب ایک جہاز پر تعینات تھے، جہاں جنگی حالات کے باعث کئی دنوں سے جہاز پھنس گیا تھا۔ اس دوران پیش آنے والی مشکلات اور دباؤ کے نتیجے میں ان کی حالت بگڑ گئی اور وہ جانبر نہ ہو سکے۔
یہ علاقہ اس وقت شدید کشیدگی کا شکار ہے، جہاں جنگی حالات کی وجہ سے بحری آمد و رفت شدید متاثر ہوئی ہے اور کئی جہاز طویل عرصے سے پھنسے ہوئے ہیں۔اہلِ خانہ نے حکومت سے اپیل کی ہے کہ جلد از جلد کیپٹن راکیش رنجن سنگھ کی میت کو بھارت منتقل کیا جائے تاکہ آخری رسومات ادا کی جا سکیں۔یہ واقعہ ایک بار پھر اس بات کو اجاگر کرتا ہے کہ جنگی حالات میں سمندری عملہ کس قدر خطرات اور ذہنی دباؤ کا سامنا کرتا ہے۔
