بھوپال میں چارروزہ عالمی تبلیغی اجتماع میں 10 لاکھ فرزندان توحیدشریک

بھوپال:عالمی تبلیغی اجتماع جس کی دنیابھر میں اپنی خصوصی پہچان ہے، کا آغازکل یعنی جمعہ کو فجر کی نمازکے بعد مولانا جمشید صاحب کی تقریر سے ہوا۔ عالمی تبلیغی اجتماع میں وسیع انتظامات کیے گئے ہیں۔ اس بار 10 لاکھ فرزند توحید اجتماع میں موجود ہیں۔انٹ کھیڑی میں اجتماع کے کیمپ کا منظر قابل دید ہے۔ ایسا لگتا ہے جیسے یہاں پورا شہر آباد ہو گیا ہو۔ یہاں پانی سے لے کر وضو تک کے انتظامات کیے گئے ہیں۔ عالمی تبلیغی اجتماع میں اجتماعی شادیات کا بھی اہتمام کیا گیا ہے۔
یہ چار روزہ عالمی تبلیغی اجتماع پیر کو خصوصی دعا کے ساتھ اختتام پذیر ہوگا۔ ان چار دنوں میں دہلی مرکزسمیت ملک کے مختلف حصوں سے علمائے کرام کے خطابات ہوں گے اور اجتماعی نکاح کا پروگرام ہاگا۔اجتماع ختم ہونے کے بعدفرزندان توحید دنیا بڑی تعداد میں دنیا بھر کے سفر پر نکلیں گے۔اجتماع کے 75 سالوں میں پہلی بار اجتماعی نکاح کا انعقاد کیا رہا ہے۔ اس بار 350 سے زائد شادیوں کا رجسٹریشن کیاگیاہے۔