ریونیو اور لینڈ ریفارمس ڈیپارٹمنٹ میں تبادلہ لگاتار دوسرے سال منسوخ

پٹنہ: منگل کو ایک بڑے فیصلے کے تحت ریونیو اور لینڈ ریفارمز ڈیپارٹمنٹ میں بڑے پیمانے پر تبادلوں کو لگاتار دوسرے سال منسوخ کر دیا گیا ۔ جن 497 افسران کے تبادلے منسوخ کیے گئے ہیں ان کے تبادلے رواں سال جون میں کیے گئے تھے۔ ان میں ڈی سی ایل آر، زونل آفیسر، اسسٹنٹ سیٹلمنٹ آفیسر، کنسولیڈیشن آفیسر، ریونیو آفیسر، ریونیو آفیسر کم کانگو سطح کے افسران شامل ہیں۔ٹرانسفر کو منسوخ کرنے کی بڑی وجہ محکمہ کے وزیر آلوک مہتا اور اعلیٰ عہدیداروں کی طرف سے مقامی ایم ایل ایز کی سفارش کو قبول نہ کرنا بتائی جاتی ہے۔
وزیراعلیٰ سیکرٹریٹ کی سطح تک پہنچنے کے بعد مختلف اعتراضات کے پیش نظر محکمہ نے تمام تبادلے منسوخ کرنے کا نوٹیفکیشن جاری کر دیا ہے۔2022 میں اس وقت کے وزیر رام سورت رائے کے دور میں بھی 186 سی او سطح کے افسران کے تبادلے منسوخ کر دیے گئے تھے۔ اس کے ساتھ ہی سال 2020 میں اس وقت کے وزیر رام نارائن منڈل کے دور میں بھی بڑے پیمانے پر تبادلوں کو منسوخ کرنا پڑاتھا۔
ٹرانسفر منسوخ کرنے کی جو وجوہات بتائی گئی ہیں،ان میںحکمہ کے وزیر اور اتھارٹی کی طرف سے مقامی ایم ایل ایز کی سفارش کو قبول نہ کرنا،منتقلی میں تجویز کردہ تین سال کی مدت پوری نہ کرنا،سینئر افسر کو جونیئر افسر کے نیچے بٹھانااوربڑے پیمانے پر سرکل افسران کی تبدیلی شامل ہیں۔جب معاملہ وزیر اعلیٰ سیکرٹریٹ تک پہنچا تو ٹرانسفر منسوخ کر دیا گیا۔