نازیبا ریمارکس کے معاملے میں جیہ پردہ عدالت میں پیش

مرادآباد: رام پور کی سابق ایم پی اور اداکارہ جیا پردا اپنے خلاف نازیبا ریمارکس کے معاملے میں مرادآباد ایم پی۔ایم ایل اے عدالت میں پیش ہوئیں۔ وہ مراد آباد کورٹ میں اپنا بیان ریکارڈ کرانے آئی تھیں۔ ایس پی لیڈر اعظم خان، ایم پی ایس ٹی حسن اور دیگر 2019 کے نفرت انگیز ریمارکس کیس میں ملزم ہیں۔جیا پردا کافی عرصے سے عدالت میں پیش نہیں ہو رہی تھیں جس کی وجہ سے ان کے خلاف ناقابل ضمانت وارنٹ جاری کیے گئے تھے۔ جس کے بعد کل وہ عدالت میں پیش ہوئیں اور اپنا بیان ریکارڈ کرایا۔ میڈیا سے بات کرتے ہوئے جیا پردا نے ایس ٹی حسن کو نشانہ بنایا۔انہوں نے کہا کہ یہ لڑائی بیٹیوں اور بہنوں کی ہے تاکہ ایس ٹی حسن جیسے لوگ ان کا استحصال نہ کر سکیں۔ مجھ پر کیے گئے ناشائستہ تبصرے چھوٹے ذہن کے لیڈروں کی ذہنیت کو ظاہر کرتے ہیں۔