لاکھوں نوکریاں چھین کر عوامی شعبہ کے اداروں کو برباد کرنا کس ٹول کٹ کا حصہ ہے؟ ملکارجن کھڑگے

کانگریس صدر نے مزید سوال کیے ’’ٹھیکے پر سرکاری نوکریوں میں 88 فیصد کا اضافہ کیوں کیا گیا ہے اور آیا میک ان انڈیا کا ہائی وولٹیج پرچار اپنی شبیہ کو چمکانے کے لیے تھا، اس سے ملک کو کیا حاصل ہوا؟‘‘

قبل ازیں، کانگریس جنرل سکریٹری پرینکا گاندھی نے جمعہ کو اس معاملے پر مودی حکومت پر حملہ کیا تھا۔ پرینکا گاندھی نے ٹوئٹ کیا ’’کانگریس حکومتوں نے ملک میں روزگار فراہم کرنے کے لیے پبلک سیکٹر کی عمدہ کمپنیاں قائم کی تھیں لیکن مودی جی کے دور حکومت میں ان کمپنیوں کی حالت دیکھیں، 7 پی ایس یوز میں 3.84 لاکھ نوکریاں ختم ہوگئیں۔

انہوں نے مزید لکھا کہ پی ایس یو میں کنٹریکٹ ملازمین کی تعداد 19 فیصد سے بڑھ کر 42 فیصد ہو گئی ہے۔ اچھی نوکریاں فراہم کرنے والی کمپنیوں سے نوکریاں کیوں ختم کی جا رہی ہیں؟ مودی حکومت ان کمپنیوں کو کیوں برباد کر رہی ہے جو قوم کی تعمیر میں اہم معاونت کرتی ہیں؟ اس کے ساتھ انہوں نے ایک تصویر بھی شیئر کی ہے جس میں ان لوگوں کے اعداد و شمار دیئے گئے ہیں جنہوں نے ساتوں پی ایس یوز میں اپنی نوکری کھو دی ہے۔