ہماچل پردیش میں بادل پھٹنے سے3 افراد ہلاک

نئی دہلی : ہماچل پردیش کے علاقوں منالی اور شملہ میںآج بادل پھٹ پڑے جس کے نتیجے میں 3 افراد کی موت ہو گئی اور 32 سے زیادہ لاپتہ بتائے گئے ہیں۔ زبردست بارش کی وجہ سے یہاں بڑے پیمانے پر تباہی ہوئی۔ ہماچل پردیش میں زبردست بارش کا سلسلہ جاری ہے۔کئی دیگر مقامات پر بھی بادل پھٹ پڑنے کی اطلاعات ہیں زبردست بارش کی وجہ سے منالی میں بیاس ندی نے اپنا راستہ بدل دیا ہے۔ چندی گڑھ منالی ہائی وے پر جگہ جگہ مٹی کے تودے گر رہے ہیں جس کی وجہ سے راستہ بند کر دیا گیا ہے۔ شملہ سے 100 کلومیٹر دور رامپور کے جھاکڑی میں بھی موسلا دھار بارش ہو رہی ہے این ڈی آج ر ایف کی ٹیموں کو مقام واقع پر روانہ کر دیا گیا ہے۔ ہماچل پردیش میں زوردار بارش کی وجہ سے بڑے پیمانے پر نقصان ہوا۔ سات افراد پانی میں بہہ گئے جن میں سے پانچ کا تعلق ایک ہی خاندان سے بتایا گیا ہے۔اس صورتحال کے پیش نظر بعض اسکولس کو تعطیل دے دی گئی ہے۔