بہار کےتمام سینٹرل جیلوں میں طبی ماہر نفسیات کی بحالی کافیصلہ

پٹنہ :: آج یہاں منعقدبہار کابینہ کی میٹنگ میں 14 ایجنڈوں کو منظوری دی گئی۔ بہار کی جیلوں میں ذہنی مریضوں کو خصوصی سہولتیں ملیں گی۔ تمام 8 سینٹرل جیلوں میں ایک طبی ماہر نفسیات کو بحال کیا جائے گا۔ یہ بحالی ٹھیکے پر کی جائے گی۔ ساتھ ہی، راج پور، بکسر کے سابق سی او راکیش کمار کو ملازمت سے برخاست کر دیا گیا ہے۔ یہاں، نتیش حکومت نے پی اے سی ایس کے ارکان کو دیوالی کا تحفہ دیا ہے۔
کابینہ نے 135 کروڑ 1 لاکھ 81 ہزار روپے کی کل تخمینہ لاگت کو انتظامی منظوری دی جس میں سمستی پور ضلع کے تحت دال سنگھ سرائے یارڈ کے لیول کراسنگ 32 اے کے بدلے اپروچ روڈ کے ساتھ ریلوے اوور برج کے لیے 97 کروڑ 20 لاکھ 83 ہزار روپے کا ریاستی حصہ بھی شامل ہے۔