یوپی میں ”رام رام“ کا جواب نہیں دینے پر ٹیچرکو ملازمت سے محروم

ہاتھرس:ایک طالب علم کی جانب سے کہے گئے ”رام رام“ کا جواب دینے سے انکار کرنے پر اقلیتی کمیونٹی سے تعلق رکھنے والے ایک ٹیچر کو برطرف کردیاگیاہے۔ خبر کے مطابق اترپردیش کے ہاتھرس واقع صائمہ منصور پبلک اسکول میں 5دسمبر کے روز یہ واقعہ پیش آیاہے۔ نویں جماعت کے ایک طالب علم نے اپنے ٹیچر محمد عدنان کو ”رام رام“ کہا تو انہوں نے نہ اس کا جواب نہیں دیا بلکہ مبینہ طور پر طالب علم کی سرزنش بھی کی ۔جیسے ہی دائیں بازوکے ممبرس کو واقعہ کی جانکاری ملی‘ اسکول احاطے کے باہر احتجاج کرنا انہوں نے شروع کردیا۔ احتجاج کے طو ر پر ہنومان چالیسہ بھی پڑھاجبکہ عدنان کو اسکول پرنسپل نے برطرف کردیاہے۔
مذکورہ پرنسپل نے کہاکہ پچھلے 30سالوں سے دونوں کمیونٹی کے اسٹوڈنٹس ہمارے اسکول میں تعلیم حاصل کررہے ہیں اور ہمیں کبھی اس طر ح کے الزامات کاسامنا نہیں کرنا پڑا۔انہوں نے کہاکہ فوری طورپرہم نے محمد عدنان کو ڈیوٹی سےہٹادیاہے او راس معاملے میں ایک تحقیقاتی کمیٹی کی تشکیل دے دی گئی ہے۔انہوں نے وعدہ بھی کیا کہ ”مستقبل میں اس قسم کے واقعات کی روک تھام کے لئے اقدامات“ کئے جائیں گے۔