ویر بال دیوس پردہلی میں خصوصی پروگرام کا انعقاد

نئی دہلی: گرو گوبند سنگھ جی کے بیٹوں کی شہادت کی یاد میں آج یعنی 26 دسمبر کو ویر بال دیوس منایا جا رہا ہے۔ اس کے لیے بھارت منڈپم میں ایک خصوصی پروگرام کا انعقاد کیا گیا۔ اس دوران وزیر اعظم نریندر مودی نے بھی خطاب کیا۔ پی ایم مودی نے اپنے خطاب میں کہا کہ ہم ملک کی ترقی کے لیے پرعزم ہیں۔ انہوں نے مزید کہا کہ ملک ان کی قربانی کو یاد کر رہا ہے اور ان سے تحریک لے رہا ہے۔ ویر بال دیوس کی شکل میں ایک نیا باب شروع ہوا ہے۔
وزیراعظم نریندر مودی نے مزید کہا کہ ‘ویر بال دیوس’ ہندوستانیت کے تحفظ کے لیے کسی بھی حد تک جانے کی علامت ہے۔ گزشتہ سال پہلی بار 26 دسمبر کو ملک بھر میں 26 دسمبر کو بہادر بچوں کے دن کے طور پر منایا گیا تو ملک بھر میں ہر شخص نے نو نہالوں کی بہادری کی داستانیں بڑے جذبات سے سنیں۔ ویر بال دیوس ہندوستانیت کی حفاظت کے لیے کچھ بھی کرنے کے عزم کی علامت ہے۔ یہ دن ہمیں یاد دلاتا ہے کہ بہادری کے عروج پر جوانی کی عمر کوئی اہمیت نہیں رکھتی۔