انوشکا شرما اور ویراٹ کوہلی کے گھر بیٹے کی پیدائش

ممبئی :انوشکا شرما اور ویراٹ کوہلی کے گھر بیٹے کی پیدائش ہوئی ہے۔ انوشکا نے خود انسٹاگرام پر یہ معلومات پوسٹ کی ہیں۔ اداکارہ نے بتایا کہ انہوں نے 15 فروری کو اپنے دوسرے بچے کا استقبال کیا ہے۔ انوشکا نے پوسٹ میں اپنے بیٹے کا نام بھی بتایا ہے۔انوشکا شرما نے پوسٹ میں لکھا۔‘خوشی اور محبت سے بھرے دل کے ساتھ، ہم سب کو یہ بتاتے ہوئے خوشی محسوس کر رہے ہیں کہ 15 فروری کو ہم نے اپنے بچے اکے اور وامیکا کے چھوٹے بھائی اکائےکو اس دنیا میں خوش آمدید کہا! ہم اپنی زندگی کے اس خوبصورت دور میں آپ کی دعاؤں اور نیک خواہشات کے خواہاں ہیں۔ ہم آپ سے درخواست کرتے ہیں کہ اس وقت ہماری پرائیویسی کا احترام کریں۔
انوشکا شرما کے دوسرے حمل کی خبریں کافی عرصے سے آرہی تھیں۔ اداکارہ کا عوامی روپ بھی کافی عرصے سے نظر نہیں آرہا تھا۔ لیکن انوشکا شرما نے اپنے حمل کی خبروں پر خاموشی اختیار کر رکھی تھی۔ وہیں ویراٹ کوہلی نے بھی اس پر کوئی ردعمل ظاہر نہیں کیا۔ تاہم ویراٹ کوہلی کے سابق رائل چیلنجرز بنگلور ٹیم کے ساتھی اے بی ڈی ویلیئرز نے بھی انکشاف کیا تھا کہ یہ جوڑا اپنے دوسرے بچے کا استقبال کرنے جا رہا ہے۔