قلیوں سے ملنےکے بعد راہل گاندھی کی کارپنٹروں سے ملاقات

نئی دہلی: کانگریس کے سابق صدر راہل گاندھی نے دہلی کے کیرتی نگر علاقے میںکارپنٹروں ( لکڑی کے کاریگروں ) سے ملاقات کی اور ان کے مسائل کے بارے میں جانکاری حاصل کی جس کی تصویر وائرل ہو رہی ہے۔راہل گاندھی کی اس ملاقات کی تصویریںایکس سمیت کئی دوسرے سوشل میڈیا پلیٹ فارمز پر شیئر کی گئی ہیں۔ ان تصویروں میں انہیں لکڑی کے کاریگروں سے ملتے اور ان کے اوزار استعمال کرتے ہوئے دیکھا جا سکتا ہے۔تصویر میں دیکھا جا رہا ہے کہ راہل گاندھی لکڑی کےکاریگروں کا حال جاننا چاہتے ہیں۔
پچھلے کچھ عرصے سے راہل گاندھی لوگوں کے درمیان جا کر ان کے کام، زندگی اور ان کے مسائل کے بارے میں بات کر رہے ہیں۔اس ملاقات کے بارے میں کانگریس لیڈر راہل گاندھی نے کہا کہ وہ دہلی کے کیرتی نگر میں واقع ایشیا کی سب سے بڑی فرنیچر مارکیٹ گئے اور کارپینٹر بھائیوں سے ملاقات کی۔وہ محنتی ہونے کے ساتھ حیرت انگیز فنکار بھی ہیں،راہل گاندھی نے کہا کہ ہم نے ان سےبہت باتیں کیں، ان کے ہنر کے بارے میں تھوڑا سا جانا اور تھوڑا سیکھنے کی کوشش کی۔
راہل گاندھی ‘بھارت جوڑو یاترا مکمل کرنے کے بعد سماج کے مختلف طبقوں کے لوگوں سے مل رہے ہیں۔ حال ہی میں انہوں نے آنند وہار ریلوے اسٹیشن پر قلیوں سے ملاقات کی تھی۔ایسی ملاقاتوں کا حوالہ دیتے ہوئے کانگریس کا کہنا ہے کہ راہل گاندھی کی بھارت جوڑو یاترا ابھی جاری ہے۔