نئی دہلی: عالمی وبا کورونا وائرس کے حوالے سے ایک راحت کی خبریہ ہے کہ گزشتہ 24 گھنٹوں کے دوران ہندوستان میں اس مہلک وائرس سے کسی مریض کی جان نہیں گئی ہے۔ ہفتہ کو وزارت صحت کی طرف سے جاری کردہ اعداد و شمار کے مطابق، ملک میں گزشتہ 24 گھنٹوں کے دوران کرناٹک میں ایکٹو کیسز کی تعداد میں چھ کا اضافہ ہوا ہے۔ اس کے علاوہ تریپورہ میں تین، بہار، چھتیس گڑھ اور راجستھان میں ایک ایک کیس کا اضافہ ہوا ہے۔
گزشتہ 24 گھنٹوں میں دہلی، ہریانہ، ہماچل پردیش، جھارکھنڈ، کیرالہ، مہاراشٹر، میزورم، اڈیشہ، پنجاب، سکم، تلنگانہ، اتر پردیش اور مغربی بنگال میں کورونا کے ایکٹیو کیسز میں کمی آئی ہے۔ دریں اثنا، ملک میں کورونا ویکسینیشن کا عمل بھی جاری ہے اور گزشتہ 24 گھنٹوں میں 1552 افراد کو ٹیکے لگائے گئے ہیں۔ ملک میں اب تک 2,20,67,34,064 افراد کو ٹیکے لگائے جا چکے ہیں۔
وزارت صحت کے مطابق ملک میں متاثرہ افراد کی کل تعداد 4,49,93,480 ہو گئی ہے۔ ایکٹو کیسز کی تعداد 34 کم ہو کر 1925 ہو گئی ہے۔ اسی مدت میں، کووڈ-19 کی وجہ سے کوئی موت نہ ہونے کی وجہ سے مرنے والوں کی تعداد 5,31,893 پر برقرار ہے۔ گزشتہ 24 گھنٹوں میں کورونا انفیکشن سے صحت یاب ہونے والوں کی تعداد 146 بڑھ کر 4,44,59,660 تک پہنچ گئی ہے۔
