نئی دہلی: روس میں حال ہی میں ایک خاتون اپنے گود لئے ہوئے بیٹے سے شادی کرکے سرخیوں میں ہے۔اس خاتون نے اپنے ہی سوتیلے بیٹے سے شادی کرکے دو بچے بھی پیدا کرلئے ہیں ۔ خاتون جب گھر میں آئی تھی، تو بچےکی عمر کافی کم تھی اور وہ اس کی ماں کی شکل میں تھی ۔ حالانکہ بیٹے کو بڑا ہوتا دیکھ خاتون کو دل مچلنے لگا اور بالاخروہ اس کے بچوں کی ماں بن گئی ۔واقعہ یہ ہے کہ مرینا بالمیشیو نام کی 38 سال کی خاتون نے الیکسی شاویرن سے شادی کی تھی۔ اس وقت الیکسی کا سات سال کا بیٹا تھا اور گھر میں رہتے ہوئے مرینا نے ہی سوتیلے بیٹے کے پرورش کی تھی۔ بچہ کے والد کے ساتھ شادی میں رہتے ہوئے مرینا نے کل چار بچے گود لئے تھے، جو اب الیکسی کے ساتھ رہتے ہیں ۔ مرینا نے بیٹے کے ساتھ ریلیشن شپ اس وقت شروع کردیا تھا، جب وہ اس کے والد کے ساتھ شادی میں تھی۔
ڈیلی اسٹار کی ایک رپورٹ کے مطابق یونیورسٹی کی چھٹیوں میں گھر آنے کے بعد ان کا رشتہ شروع ہوا اور مرینا سوتیلے بیٹے سے شادی کرنے کیلئے اس کے والد سے الگ ہوگئی ۔ اب ان کے دو بچے بھی ہیں ۔روس میں سوشل میڈیا پر چھا چکی مرینا کو اپنے سوتیلے بیٹے سے شادی کئے ہوئے کافی وقت گزر چکا ہے ۔ ولادیمیر کے والد اور مرینا کے سابق شوہر کو یہ رشتہ بالکل پسند نہیں ہے، لیکن وہ اب مجبور ہوچکے ہیں ۔ انہوں نے الزام لگایا ہے کہ بیوی نے اس کے اور اس کے بیٹے کے ساتھ بھی دھوکہ دیا ہے۔اپنے انسٹاگرام اکاونٹ پر مرینا نے ولادیمیر کو دنیا میں سب سے پرکشش نیلی آنکھوں والا مرد بتایا ہے ۔ وہ بتاتی ہے کہ سوتیلے بیٹے سے شادی میں وہ کافی خوش اور مطمئن ہے۔
