مکہ مکرمہ: مختلف ممالک سے سعودی عرب آنے والے عازمین حج کے لئے ادارہ امور حرمین کے شعبے دینی امور کی جانب سے دینی معلومات پر مبنی لٹریچر تقسیم کیا جا رہا ہے۔سعودی خبر رساں ادارے ’ایس پی اے‘ کے مطابق دینی امور کے نائب سربراہ بدر آل الشیخ نے ایک بیان میں کہا ہے کہ ادارے کی جانب سے عازمین حج کی رہنمائی کے لیے بھرپور انتظامات کئے گئے ہیں۔دینی امور کی جانب سے ’منارہ الحرمین‘ پورٹل کے ذریعے نماز جمعہ کا خطبہ اور مسجد الحرام میں ہونے والے درس کے مختلف زبانوں میں ترجمہ کرنے کی سہولت بھی فراہم کی گئی ہے تاکہ حج و عمرہ زائرین اس سے استفادہ حاصل کرسکیں۔
دوسری جانب سعودی وزارت داخلہ نے رواں سال غیر ملکی عازمین حج کے لیے ڈیجیٹل آئی ڈی کا آغاز کیا ہے۔ دیگر ممالک سے آنے والے عازمین حج اس سے فائدہ اٹھا سکیں گے۔رپورٹ کے مطابق وزارت داخلہ کے بیان میں کہا گیا ہے کہ ڈیجیٹل آئی ڈی سے عازمین حج کو ابشر اور توکلنا ایپس پر اپنا اکاؤنٹ بنانے میں سہولت مل جائے گی۔ اس اقدام سے دیگر ممالک سے آنے والے عازمین حج سفر حج و مملکت میں قیام کے دوران ہر قسم کی دشواری سے بچ جائیں گے۔
سعودی عرب میں عازمین حج کے درمیان دینی معلومات پر مبنی لٹریچر تقسیم
نماز جمعہ کا خطبہ اور مسجد الحرام میں ہونے والے درس کے ترجمے کی سہولت بھی فراہم
