آل انڈیا ایجوکیشن کانفرنس کے پیش نظر یوپی کے اسکولوں میں نہیں ہوئی عاشورہ کی چھٹی

لکھنؤ: آل انڈیا ایجوکیشن کانفرنس کے پیش نظراتر پردیش کے 12ویں تک کے اسکولوں میں ہفتہ (29 جولائی) کو ہونے والی 10 محرم یعنی یوم عاشورہ کی چھٹی منسوخ کر دی گئی ہے۔ اس کے لیے ڈائریکٹر جنرل اسکول ایجوکیشن اور اسٹیٹ پروجیکٹ ڈائریکٹر لکھنؤ کے دفتر نے ریاست کے تمام ضلع بنیادی تعلیمی افسران کو خط جاری کیا ہے۔ خط میں کہا گیا ہے کہ تمام اسکولوں میں 29 جولائی کو وزیر اعظم نریندر مودی کے ہاتھوں راجدھانی دہلی میں آل انڈیا ایجوکیشن کانفرنس کے افتتاح کی براہ راست نشریات کرائے جانے کا انتظام کیا جائے۔
ڈائریکٹر جنرل ایجوکیشن وجے کرن آنند کی جانب سے جاری کردہ حکم کے مطابق وزیر اعظم کی طرف سے آل انڈیا ایجوکیشن کانفرنس کے لائیو اسٹریمنگ ویب کاسٹ کے ذریعے اسکولی سطح تک کی جائے گی۔ تمام اسکولوں کو اس کے ٹیلی کاسٹ کا انتظام کرنے کی ہدایت دی گئی ہے۔ وہیں، انہوں نے خط میں کہا ہے کہ افتتاحی سیشن میں اسکول سطح پر شامل ہونے تالی تمام لوگوں کی اطلاع شامل تک وزیر تعلیم کے پاس بھیجی جائے گی۔خیال رہے کہ اس سے قبل ہفتہ کو محرم کی تعطیل کا اعلان کیا گیا تھا اور اگلے دن اتوار ہونے کی وجہ سے دو دن کی چھٹی تھی۔ نئے آرڈر کے بعد اب یہ چھٹی منسوخ کر دی گئی ہے۔