ایران کے مرحوم صدر ابراہیم رئیسی کی تدفین جمعرات کو

تہران: ایران کے نائب صدر برائے انتظامی امور محسن منصوری نے کہا ہے کہ صدر ابراہیم رئیسی کی میت جمعرات کو شمال مشرقی شہر مشہد میں سپرد خاک کی جائے گی۔ایرانی سٹوڈنٹس نیوز کے مطابق نائب صدرنے نوٹ کیا کہ مختلف صوبوں میں لوگوں کی جانب سے سوگ کی تقریبات میں شرکت کی متواتر درخواستوں کے پیش نظرایرانی وزارت تعلیم نے منگل سے جمعہ تک طلباء کے تمام امتحانات منسوخ کر دیے تھے۔ژنہوا نیوز ایجنسی کے مطابق رئیسی کی تدفین کی تقریبات تبریز، قم، دارالحکومت تہران، بیرجند اور مشہد میں منگل سے جمعرات تک ہوں گی اور صدر کی میت کو جمعرات کی شب مشہد مقدس میں امام رضا کے حرم میں سپرد خاک کیا جائے گا۔
ویب سائٹ پر شائع ہونے والے بیان کے مطابق ایران کے سپریم لیڈر علی خامنہ ای نے پیر کو اس واقعے پر پانچ روزہ قومی سوگ کا اعلان کیا ہے۔پیر کی سہ پہر تہران میں بڑی تعداد میں لوگوں نے رئیسی، وزیر خارجہ حسین امیر عبد اللہیان، مشرقی آذربائیجان صوبے کے گورنر ملک رحمتی اور مشرقی آذربائیجان میں ایران کے سپریم لیڈر کے نمائندے محمد علی علی ہاشم کی المناک موت پر سوگ منایا۔یہ حادثہ اتوار کے روز ورزقان کاؤنٹی میں اس وقت پیش آیا جب رئیسی اپنی ہمراہی ٹیم کے ساتھ تین ہیلی کاپٹروں پر سوار تھے، خدا عفرین کاؤنٹی سے جا رہے تھے، جہاں انہوں نے اپنے آذربائیجانی ہم منصب الہام علییف کے ساتھ ایک سٹوریج ڈیم کی افتتاحی تقریب میں شرکت کی تھی۔