بلجیم کی جانب سے غزہ میں فوری جنگ بندی کا مطالبہ

انٹورپ : بلجیم کی وزیر خارجہ حدجہ لہبیب نے غزہ میں فوری جنگ بندی کا مطالبہ کرتے ہوئے دو ریاستی حل پر مبنی مذاکرات کا آغاز کرنے والی ایک بین الاقوامی امن کانفرنس کی میزبانی کے اپنے ارادے کا اعلان کیا۔حدجہ لہبیب نے بیلجین دارالحکومت برسلز کے میلسبروک فوجی ہوائی اڈے پر اپنے جائزے پیش کیے۔فوجی طیارے کے ذریعہ انسانی امداد کو فضا سے غزہ پہنچانے کیلئے اپنے ملک کے آپریشن کے بارے میں، لا حبیب نے کہا، “ہم غزہ میں جو کچھ دیکھ رہے ہیں وہ ایک انسانی المیہ ہے۔انہوں نے کہا کہ ہمیں یقینی طور پر غزہ میں فوری جنگ بندی کی ضرورت ہے۔اس بات پر زور دیتے ہوئے کہ غزہ میں انسانی صورت حال سے نمٹنے کا مستقل راستہ دو ریاستی حل تک پہنچنا ہے، لاحبیب نے کہا، “ہم نے فلسطینی ریاست کو تسلیم کرنے کے حوالے سے بلجیم میں علاقائی حکومتوں کے درمیان ایک معاہدہ کیا ہے۔ ہم اس پر سنجیدگی سے غور کر رہے ہیں۔انہوں نے مزید کہا کہ بلجیم کی وفاقی حکومت فلسطینی ریاست کو تسلیم کرنے کے لیے ’’صحیح وقت ‘‘کا انتظار کر رہی ہے، کیونکہ اگر بیلجیئم تنہا ہی ریاستِ فلسطین کو تسلیم کرتا ہے، تو نتیجہ صرف ایک علامتی بیان ہو گا۔