نتیش کمار کی تقریر کے دوران حفاظتی حصار توڑنے کی کوشش

پٹنہ: بہار میں سی ایم نتیش کمار کی تقریر کے دوران ایک شخص نے ان کا حفاظتی حصار توڑنے کی کوشش کی۔بتایا جاتا ہے کہ حفاظتی حصار توڑنے والا شخص نوجوان ہے اور وہ اپنے والد کی جگہ پر بی ایم پی میں نوکری مانگنے آیا تھا ۔بہر حال پولیس نے اس شخص کو حراست میں لے لیاہےاور مزید کارروائی جاری ہے۔
قبل ازیں، جون کے شروع میں صبح کی سیر کے دوران دو موٹر سائیکل سوار حفاظتی حصار توڑ کر ان کے پاس پہنچ گئے تھے۔ دونوں موٹر سائیکل سوار بہت تیزی سے آئے تھے اور وزیر اعلیٰ سے ٹکر لگنے سے بال بال بچ گئے تھے۔ وزیر اعلیٰ نے تیزی سے فٹ پاتھ پر چڑھ کر بائیک سواروں سے خود کو بچایا تھا۔پچھلے سال مارچ میں بھی پٹنہ کے بختیار پور علاقے میں ایک پروگرام کے دوران ایک نوجوان وزیر اعلیٰ کے بہت قریب آ گیا تھا اور پیچھے سے انہیں گھونسا مار دیا تھا۔